ჩვენ პირნათლად და ზედმიწევნით ვასრულებდით 12 რეკომენდაციას, ამ პროცესს ივნისის სესიის დასრულებამდე ბოლომდე მივიყვანთ, - ამის შესახებ "ქართული ოცნების" თავმჯდომარემ, ირაკლი კობახიძემ განაცხადა. იუწყება საზოგადოებრივი მაუწყებელი.

მისივე თქმით, ამა წლის დეკემბერში ქვეყანა და ხელისუფლება 100 პროცენტით მზად იქნება კანდიდატის სტატუსის მისაღებად, ხოლო როგორ გადაწყვეტილებას მიიღებს ევროკავშირი ეს მათი საქმეა.

"ევროპელ კოლეგებს გავუზიარებთ ინფორმაციას, რომელიც 12 რეკომენდაციის შესრულებას ეხება. ვისაუბრებ, რა როლი შევიტანეთ ამ ყველაფერში. ასევე, ვისაუბრებთ ამ პროცესებში ოპოზიციის სხვადასხვა ფრთის ჩართულობაზე. ჩვენთვის მნიშვნელოვანია, რომ ჩვენი კოლეგები და პარტნიორები მთლიანად ინფორმირებული იყვნენ, რადგან ეს ინფორმაციები, საბოლოო ჯამში, უნდა გახდეს ჩვენი ქვეყნის გარშემო საბოლოო მოსაზრების ჩამოყალიბების, ასევე ჩვენი ქვეყნისთვის კანდიდატის მინიჭების საფუძველი. ჩვენ პირნათლად და ზედმიწევნით ვასრულებდით 12 რეკომენდაციას, ამ პროცესს ივნისის სესიის დასრულებამდე ბოლომდე მივიყვანთ. აქედან გამომდინარე, ქვეყანა და ხელისუფლება ყველანაირად დაიმსახურებენ კანდიდატის სტატუსს დეკემბერში. 50/50-ზე არის შანსი, ეს არის პოლიტიკური გადაწყვეტილება. ეს რომ იყოს ტექნიკური გადაწყვეტილება, ჩვენ 100 პროცენტით მზად ვიქნებოდით და ვიქნებით დეკემბერში კანდიდატის სტატუსის მისაღებად, თუმცა პოლიტიკური გადაწყვეტილება ყოველთვის არის პოლიტიკური გადაწყვეტილება. ეს არის სუბიექტური გადაწყვეტილება, რომელიც დამოკიდებულია გლობალურ და პოლიტიკურ პროცესებზე. აქედან გამომდინარე, წინასწარ პროგნოზების გაკეთება არ ღირს. საქართველო თავიდან ბოლომდე მზად იქნება კანდიდატის სტატუსის მისაღებად, თუმცა როგორი იქნება პოლიტიკური გადაწყვეტილება, ეს ევროკავშირის საქმეა", - განაცხადა კობახიძემ.

ავტორი: ექსპრესნიუსი,

სოციალური ქსელები

ლუკას სიპერი - საქართველოს მთავრობა თავის მოსახლეობას აშორებს ევროპისკენ მიმავალი გზისგან, მაგრამ ეს მხოლოდ დროის ამბავია

დევიდ მაკალისტერი- ყველა ძირითადი ოპოზიციური პარტიის აკრძალვისკენ სწრაფვით, რეჟიმმა ავტორიტარული მმართველობისკენ კიდევ ერთი გულგრილი ნაბიჯი გადადგა

ევროკომისარი როსვოლი - ევროკავშირი ქართულ ოცნებას მოუწოდებს, შეცვალოს თავისი საზიანო ქმედებები და ანტიდემოკრატიული კანონმდებლობა, გაათავისუფლოს თვითნებურად დაკავებული ოპოზიციის წევრები

მალგორჟატა გოშევსკა - ივანიშვილი საქართველოში დემოკრატიას ანადგურებს და ქვეყანას რუსული ტიპის დიქტატურისკენ მიაქანებს