ნიკა გვარამიას შეწყალებაზე მოთხოვნის არ გათვალისწინება იქნება დიდი დარტყმა ევროპული მომავლისთვის,- ამის შესახებ პარტია "დროას" ლიდერმა, ელენე ხოშტარიამ ბრიგინგზე განაცხადა.

ხოშტარიას თქმით, დღეს პრეზიდენტს აქვს კიდევ არჩევანი - წავიდეს "ქართული ოცნების" მიმართულებით და დაუპირისპირდეს მსოფლიოში ყველაზე ავტორიტეტულ საერთაშორისო და ადამიანის უფლებების ორგანიზაციას, თუ მიიღოს ქვეყნისთვის სასარგებლო გადაწყვეტილება და შეიწყალოს ნიკა გვარამია.

„ეს ხდება შუალედური შეფასების წინ, რომელიც იქნება მაისში, რომელიც პირდაპირ გავლენას იქონიებს ახლა, ერთი წლის თავზე, ჩვენ ევროპულ პერსპექტივაზე. ევროპულ პერსპექტივასთან კავშირი წერია ამ წერილშიც და ჩვენ უნდა გვესმოდეს, რომ არ გათვალისწინება მსგავსი ორგანიზაციების მოთხოვნის, იქნება კიდევ ერთი ძალიან დიდი დარტყმა ჩვენი ევროპული მომავლისთვის.

დღეს პრეზიდენტს აქვს კიდევ ერთი დილემა და კიდევ ერთი არჩევანი, ისევ წავიდეს "ქართული ოცნების" მიმართულებით და დაუპირისპირდეს მსოფლიოში ყველაზე ავტორიტეტულ საერთაშორისო და ადამიანის უფლებების ორგანიზაციას, თუ მიიღოს ქვეყნისთვის სასარგებლო გადაწყვეტილება და შეიწყალოს ნიკა გვარამი. ეს არჩევანი მასზეა, ეს პასუხისმგებლობა მასზეა, მე არ ვაპირებ თხოვნებს და მიმართვებს, მან ეს ძალიან კარგად იცის, მაგრამ მე მინდა მივმართო ყველა ორგანიზაციას, ყველა პარტიას, ყველა ადამიანს, ვინც დღეს ზრუნავს ამ კრიტიკულ მომენტში ჩვენ ევროპულ მომავალზე, დღეს არის ისევ კონსოლიდაციის და მოქმედების დრო", - განაცხადა ხოშტარიამ.

მისივე თქმით, აგრძელებენ კონსულტაციებს ყველა ორგანიზაციასთან და პარტია მზადაა, ყველანაირი მოქმედებისთვის, მათ შორის აქციისა და პროტესტისთვის.

„ჩვენი კონსულტაციები გრძელდება ყველა ორგანიზაციასთან. მთავარი მოქმედი პირი და ინიციატორი არის „ნიკა გვარამიას თავისუფლების მოძრაობა“. ჩვენ კიდევ ერთელ ვადასტურებთ, რომ მზად ვართ ყველანაირ მოქმედებაზე, იმისთვის, რომ არ დავაგვიანოთ ჩვენი ევროპული პერსპექტივის დაცვის საკითხში და გადავიდეთ კონკრეტულ ქმედებებზე - იქნება ეს აქცია, პროტესტი თუ სხვა და სხვა ფორმა, რომელმაც შედეგი უნდა გამოიღოს - ნიკა გვარამიას შეწყალება“,- დასძინა ხოშტარიამ.                                 

ავტორი: ექსპრესნიუსი,

სოციალური ქსელები

ლუკას სიპერი - საქართველოს მთავრობა თავის მოსახლეობას აშორებს ევროპისკენ მიმავალი გზისგან, მაგრამ ეს მხოლოდ დროის ამბავია

დევიდ მაკალისტერი- ყველა ძირითადი ოპოზიციური პარტიის აკრძალვისკენ სწრაფვით, რეჟიმმა ავტორიტარული მმართველობისკენ კიდევ ერთი გულგრილი ნაბიჯი გადადგა

ევროკომისარი როსვოლი - ევროკავშირი ქართულ ოცნებას მოუწოდებს, შეცვალოს თავისი საზიანო ქმედებები და ანტიდემოკრატიული კანონმდებლობა, გაათავისუფლოს თვითნებურად დაკავებული ოპოზიციის წევრები

მალგორჟატა გოშევსკა - ივანიშვილი საქართველოში დემოკრატიას ანადგურებს და ქვეყანას რუსული ტიპის დიქტატურისკენ მიაქანებს