2023-04-21 11:22:29, 1147 ნახვა
მსოფლიო
გერმანიის თავდაცვის მინისტრი - ნატო-ს კარი ღიაა, მაგრამ ახლა უკრაინის გაწევრიანების დრო არ არის
ნატო-ს კარი ღიაა, მაგრამ ახლა უკრაინის ალიანსში გაწევრიანების დრო არ არის, - ამის შესახებ გერმანიის თავდაცვის მინისტრი ბორის პისტორიუსი აცხადებს.
პისტორიუსის თქმით, უკრაინის ჩრდილოატლანტიკურ ალიანსში გაწევრიანების გადაწყვეტილება მხოლოდ სოლიდარობის გამო ვერ მიიღება.
„კარი ღიაა, მაგრამ ახლა გადაწყვეტილების დრო არ არის“, - ამბობს გერმანიის თავდაცვის მინისტრი.
შეგახსენებთ, გუშინ, 20 აპრილს ნატო-ს გენერალური მდივანი იენს სტოლტენბერგი მოულოდნელი ვიზიტით კიევს ესტუმრა. პრეზიდენტ ვოლოდიმირ ზელენსკისთან გამართული პირისპირ შეხვედრის შემდეგ, ლიდერებმა ერთობლივი პრესკონფერენცია გამართეს.
უკრაინის პრეზიდენტმა განაცხადა, რომ დროა, ნატო-მ უკრაინა ალიანსში მიიწვიოს. თავის მხრივ, სტოლტებერგმა აღნიშნა, რომ უკრაინის კანონიერი ადგილი ნატო-შია.
ავტორი: ექსპრესნიუსი,
epn.ge (@expressnews.ge)
