დიდი შვიდეულის (G7) ხუთმა ქვეყანა - აშშ, იაპონია, დიდი ბრიტანეთი, საფრანგეთი და კანადა - შეთანხმდნენ თანამშრომლობაზე ბირთვული საწვავის ბაზარზე, რათა ეტაპობრივად გამოედევნონ რუსეთი ამ ბაზრისგან.

ამის შესახებ განცხადება, ხუთი ქვეყნის მინისტრებმა , იაპონიაში, საპოროში შეხვედრის შემდეგ გააკეთეს.

„არაპროვოცირებულმა და გაუმართლებელმა ომმა, რომელიც რუსეთმა გააჩაღა უკრაინის წინააღმდეგ, ისევე როგორც კლიმატის ცვლილების მზარდმა ეფექტმა, ფუნდამენტურად შეცვალა გლობალური ენერგეტიკული ლანდშაფტი და გაზარდა მოკავშირეებსა და თანამოაზრეებს შორის თანამშრომლობის საჭიროება“, - ნათქვამია განცხადებაში. კერძოდ, დიდი ბრიტანეთის მთავრობის ვებგვერდზე.

მინისტრები იხსენებენ, რომ გადაწყვეტილება ბირთვული საწვავის მსოფლიო ბაზრის რუსეთზე დამოკიდებულების შემცირების შესაძლებლობის შესწავლის შესახებ G7-ის ლიდერებმა 2022 წლის ზაფხულში მიიღეს.

განცხადებაში ნათქვამია, რომ კანადამ, საფრანგეთმა, იაპონიამ, ბრიტანეთმა და შეერთებულმა შტატებმა დაადგინეს ის სფეროები, რომლებშიც ისინი ითანამშრომლებენ ბირთვული საწვავის ბაზარზე, რათა შეინარჩუნონ ამ საწვავის სტაბილური მიწოდება და მიაღწიონ დამოკიდებულების შემცირებას რუსეთის მიწოდების ჯაჭვებზე. "

„ეს შეთანხმება იქნება საფუძველი პუტინის ატომური საწვავის ბაზრიდან სრულად განდევნისა და რაც შეიძლება სწრაფად, რათა ჩამოერთვას მას ფულის კიდევ ერთი წყარო უკრაინაზე მისი ბარბაროსული თავდასხმისთვის და რუსეთის სრული იზოლირება“, - ნათქვამია გაერთიანებული სამეფოს მთავრობის პრესსამსახურის განცხადებაში. განმარტავს.

რუსული „როსატომი“, საკუთარი შეფასებით, იკავებს ატომური საწვავის მსოფლიო ბაზრის 17%-ს და ევროპის ბაზრის თითქმის 20%-ს. მსოფლიო ბაზარზე წამყვან როლს ასრულებენ ორი იაპონურ-ამერიკული და ერთი ფრანგული კომპანია.

ავტორი: ექსპრესნიუსი,

სოციალური ქსელები

პუტინი: რუსეთი მზად იყო უკრაინასთან მოლაპარაკებები არჩევნების შემდეგ განაახლოს

CBS News: აშშ კუბასთან ომს გეგმავს

უცხოური ტერორისტული ორგანიზაციების მატერიალური მხარდაჭერის ბრალდებით, აშშ-ში უზბეკეთის მოქალაქის ექსტრადიცია განხორციელდა

მაკა ბოჭორიშვილის შეხვედრა ბელარუსის საგარეო საქმეთა მინისტრთან მაქსიმ რიჟენკოვთან