2023-04-14 21:20:57, 868 ნახვა
მსოფლიო
საფრანგეთის საკონსტიტუციო საბჭომ ემანუელ მაკრონის საპენსიო რეფორმას მხარი დაუჭირა
საფრანგეთის საკონსტიტუციო საბჭომ პრეზიდენტ ემანუელ მაკრონის საპენსიო რეფორმას, სახელმწიფო საპენსიო ასაკის 62-დან 64 წლამდე გაზრდის შესახებ მხარი დაუჭირა.
საბჭომ ასევე უარყო პოლიტიკური ოპონენტების რეფერენდუმის მოწოდება, მაგრამ ზოგიერთი რეფორმა სამართლებრივი ხარვეზების მოტივით გააუქმა.
ხელისუფლებამ შაბათის დილამდე საკონსტიტუციო საბჭოს შენობის წინ დემონსტრაციები აკრძალა, მაგრამ ამის მიუხედავად მომიტინგეები მაინც შეიკრიბნენ და გადაწყვეტილებას დაცინვით შეხვდნენ.
დემონსტრანტების ნაწილი სკანდირებდა, რომ ისინი გააგრძელებენ პროტესტს იქამდე, სანამ ცვლილებები არ გაუქმდება.
ავტორი: ექსპრესნიუსი,
epn.ge (@expressnews.ge)
