საქართველოში აშშ-ს ელჩის, კელი დეგნანის განცხადებით, რა ტერმინიც არ უნდა გამოვიყენოთ მოსამართლეთა სანქცირებასთან დაკავშირებით, შედეგი მაინც იგივეა - ამ პირებსა და მათი ოჯახის წევრებს არ შეუძლიათ აშშ-ს საზღვრის გადაკვეთა. 

დეგნანის თქმით, თუ საქართველოს ხელისფლებას უნდა დაიწყოს საკუთარი გამოძიება ამ ბრალდებებზე, ინფორმაციის დიდი ნაწილი მათთვის წლებია ცნობილია.

„რა ტერმინიც არ უნდა იყოს გამოყენებული, შედეგები უცვლელია. ეს სავიზო აღნიშვნა ნიშნავს, რომ ამ პიროვნებებს და მათ ოჯახის წევრებს, რომლებიც არ არიან შეერთებული შტატების მოქალაქეები არ შეუძლიათ აშშ-ში შესვლა. ამის საფუძველი ინფორმაციის სხვადასხვა წყაროა, მათ შორის საჯაროდ ხელმისაწვდომი.

თუ საქართველოს ხელისფლებას უნდა დაიწყოს საკუთარი გამოძიება ამ ბრალდებებზე, ინფორმაციის დიდი ნაწილი მათთვის წლებია ცნობილია. დარწმუნებული ვარ, ნებისმიერი სანდო და დამოუკიდებელი გამოძიება იგივე შედეგით დასრულდება“,- განაცხადა დეგნანმა.

შეგახსენებთ, 5 აპრილს აშშ-ის სახელმწიფო დეპარტამენტმა მოსამართლე მიხეილ ჩინჩალაძე, ლევან მურუსიძე, ირაკლი შენგელია და ვალერიან ცერცვაძე კორუფციის გამო დაასანქცირა.

სანქცია ითვალისწინებს აღნიშნული პირებისა და მათი უშუალო ოჯახის წევრების მიმართ აშშ-ში შესვლის აკრძალვას.

ავტორი: ექსპრესნიუსი,

სოციალური ქსელები

ლუკას სიპერი - საქართველოს მთავრობა თავის მოსახლეობას აშორებს ევროპისკენ მიმავალი გზისგან, მაგრამ ეს მხოლოდ დროის ამბავია

დევიდ მაკალისტერი- ყველა ძირითადი ოპოზიციური პარტიის აკრძალვისკენ სწრაფვით, რეჟიმმა ავტორიტარული მმართველობისკენ კიდევ ერთი გულგრილი ნაბიჯი გადადგა

ევროკომისარი როსვოლი - ევროკავშირი ქართულ ოცნებას მოუწოდებს, შეცვალოს თავისი საზიანო ქმედებები და ანტიდემოკრატიული კანონმდებლობა, გაათავისუფლოს თვითნებურად დაკავებული ოპოზიციის წევრები

მალგორჟატა გოშევსკა - ივანიშვილი საქართველოში დემოკრატიას ანადგურებს და ქვეყანას რუსული ტიპის დიქტატურისკენ მიაქანებს