შეძრწუნებული ვარ გავრცელებული სასტიკი ვიდეოკადრებით, რომელზეც ტყვეობაში მყოფი უკრაინელი სამხედროს თავის მოკვეთაა ასახული, - ამის შესახებ საქართველოს პრეზიდენტმა, სალომე ზურაბიშვილმა განაცხადა.

მისივე თქმით, რუსეთის მხრიდან ეს ქმედება არის კიდევ ერთი დანაშაული კაცობრიობის წინაშე და ომის ამ დანაშაულებს სამართლებრივად უნდა გაეცეს პასუხი.

"შეძრწუნებული ვარ გავრცელებული სასტიკი ვიდეოკადრებით, რომელზეც ტყვეობაში მყოფი უკრაინელი სამხედროს თავის მოკვეთაა ასახული. ეს არის კიდევ ერთი დანაშაული კაცობრიობის წინაშე და ომის ამ დანაშაულებს სამართლებრივად უნდა გაეცეს პასუხი. საქართველო დგას და იდგება უკრაინის გვერდით", - წერს საქართველოს პრეზიდენტი.

რუსულ ტელეგრამ არხებში გამოჩნდა ვიდეო, თუ როგორ აჭრიან თავს უკრაინელ ტყვე ჯარისკაცს. "ტომარაში მისი თავი და გავუგზავნით სამხედრო მეთაურს" - წერია რუსულ პროპაგანდისტულ არხში რომელმაც ვიდეო გაავრცელა.

ვიდეოში სამხედრო ფორმაში გამოწყობილი მამაკაცი ყვითელი სამკლაურით, როგორც ჩანს, უკრაინელი სამხედრო ტყვე მიწაზე წევს. მის ზემოთ არის შენიღბული მამაკაცი აშკარა ნიშნების გარეშე, მაგრამ მას აქვს თეთრი ზოლი, რომელიც არის რუსი სამხედრო და პრორუსი მებრძოლების დამახასიათებელი ნიშანი.

ცოცხალ პატიმარს, რომელიც ტკივილისგან ყვირის დანით თავს აჭრის.

უკრაინის პრეზიდენტის ვოლოდიმერ ზელენსკის თქმით, ეს არ არის ერთეული შემთხვევა, ეს ვიდეო კი ასახავს იმას, რისი  ნორმად და ჩვევად ქცევაც რუსეთს სურს - ადამიანის სიცოცხლის განადგურება.

ავტორი: ექსპრესნიუსი,

სოციალური ქსელები

ლუკას სიპერი - საქართველოს მთავრობა თავის მოსახლეობას აშორებს ევროპისკენ მიმავალი გზისგან, მაგრამ ეს მხოლოდ დროის ამბავია

დევიდ მაკალისტერი- ყველა ძირითადი ოპოზიციური პარტიის აკრძალვისკენ სწრაფვით, რეჟიმმა ავტორიტარული მმართველობისკენ კიდევ ერთი გულგრილი ნაბიჯი გადადგა

ევროკომისარი როსვოლი - ევროკავშირი ქართულ ოცნებას მოუწოდებს, შეცვალოს თავისი საზიანო ქმედებები და ანტიდემოკრატიული კანონმდებლობა, გაათავისუფლოს თვითნებურად დაკავებული ოპოზიციის წევრები

მალგორჟატა გოშევსკა - ივანიშვილი საქართველოში დემოკრატიას ანადგურებს და ქვეყანას რუსული ტიპის დიქტატურისკენ მიაქანებს