მე ვურჩევ ბატონ ხაბეიშვილს, გაასწოროს ფოკუსი - ნუ დაემსგავსება დიტო სამხარაძეს, - ამის შესახებ "რეფორმების ჯგუფის" წარმომადგენელმა, ხათუნა სამნიძემ განაცხადა.

სამნიძე "ერთიანი ნაციონალური მოძრაობის თავმჯდომარეს" კოლეგებთან თანამშრომლობისკენ მოუწოდებს.

"მე ვურჩევ ბატონ ხაბეიშვილს, გაასწოროს ფოკუსი. მასზე თავდასხმა და "ნაციონალურ მოძრაობაზე" თავდასხმა არც ჩემგან მოუსმენია და არც თამარ კორძაიასგან. ვინც ვართ ამ პროცესში, ვცდილობდით, რომ დაგვეორგანიზებინა ხმები და მივმართეთ პრეზიდენტს წერილით ჩვენს კოლეგებთან ერთად. თვითონ როცა ამბობს - ნამდვილი ოპოზიცია თუ არანამდვილი ოპოზიცია - ასეთ განცხადებებს რომ აკეთებს, ნუ დაემსგავსება დიტო სამხარაძეს და ითანამშრომლოს კოლეგებთან", - განაცხადა ხათუნა სამნიძემ ტელეკომპანია "ფორმულასთან" საუბრისას.

შეგახსენებთ, საპარლამენტო ოპოზიციამ პრეზიდენტ სალომე ზურაბიშვილს გუშინ, 10 აპრილს ოფიციალური წერილით მიმართა და 11 აპრილს რიგგარეშე სხდომის მოწვევა სთხოვა. სხდომაზე  სასამართლოს სისტემაში კორუფციულ და სხვა კანონსაწინააღმდეგო ქმედებათა შემსწავლელი დროებითი საგამოძიებო კომისიის შექმნისთვის კენჭი უნდა ეყარათ. მოგვიანებით, ენმ-ის წამომადგენლების, ლევან ხაბეიშვილისა და ანა წითლიძის პოლონეთში გამგზავრების გამო, ოპოზიციონერმა დეპუტატებმა პრეზიდენტს მიმართეს განმეორებით, რომ  რიგგარეშე სხდომა 11 აპრილს არ ჩაენიშნა.

მომხდარს ენმ-ის წარმომადგენლების მიმართ სხვადასხვა ოპოზიციონერი დეპუტატის მმხრიდან კრიტიკა მოჰყვა, რასაც ლევან ხაბეიშვილმა "გამოგონილი ისტერიკა" უწოდა და განმარტა, რომ პოლონეთში ვიზიტი დეპუტატების ინიციატივამდე დაიგეგმა.

ავტორი: ექსპრესნიუსი,

სოციალური ქსელები

ლუკას სიპერი - საქართველოს მთავრობა თავის მოსახლეობას აშორებს ევროპისკენ მიმავალი გზისგან, მაგრამ ეს მხოლოდ დროის ამბავია

დევიდ მაკალისტერი- ყველა ძირითადი ოპოზიციური პარტიის აკრძალვისკენ სწრაფვით, რეჟიმმა ავტორიტარული მმართველობისკენ კიდევ ერთი გულგრილი ნაბიჯი გადადგა

ევროკომისარი როსვოლი - ევროკავშირი ქართულ ოცნებას მოუწოდებს, შეცვალოს თავისი საზიანო ქმედებები და ანტიდემოკრატიული კანონმდებლობა, გაათავისუფლოს თვითნებურად დაკავებული ოპოზიციის წევრები

მალგორჟატა გოშევსკა - ივანიშვილი საქართველოში დემოკრატიას ანადგურებს და ქვეყანას რუსული ტიპის დიქტატურისკენ მიაქანებს