ძლიერი საქართველოს ერთადერთი მექანიზმი არის ევროკავშირისა და ნატო-ს წევრობა, - ამის შესახებ "სტრატეგია აღმაშენებლის" ლიდერმა, გიორგი ვაშაძემ "ერთიანი ნაციონალური მოძრაობის" მიერ ორგანიზებულ აქციასთან დაკავშირებით, "ტვ პირველთან" საუბრისას განაცხადა.

ვაშაძის თქმით, მმართველი ძალა ევროპული მომავლისთვის ბრძოლის საპირისპიროდ იქცევა და ახლა რომ რიგგარეშე არჩევნები ჩატარდეს, "ქართული ოცნება" დამაჯერებლად დამარცხდებოდა.

"1989 წლის 9 აპრილს, ქართველმა ხალხმა მორალურად გაიმარჯვა კომუნისტურ-ბოლშევიკურ საბჭოთა რეჟიმზე, ხოლო 1991 წლის 9 აპრილს, დამოუკიდებლობის აღდგენით დასრულდა ეს ყველაფერი, შესაბამისად, დღესაც ჩვენ ვებრძვით რუსულ ინტერესებს, დღესაც ჩვენ ვებრძვით რუსულ, ჭაობისკენ მიმავალ გზას, ვიბრძვით ჩვენი ევროპული, ევროატლანტიკური მომავლისთვის, იმიტომ, რომ ძლიერი საქართველოს ერთადერთი მექანიზმი არის ევროკავშირისა და ნატოს წევრობა, რაც არის ათწლეულების საშვილიშვილო მშვიდობა, ეკონომიკური კეთილდღეობა და განვითარება, ამის საპირწონედ გვყავს რეჟიმი რუსეთთან დაკავშირებული, რომელსაც უნდა, რომ გადაეღობოს, ხელი შეუშალოს ამ ყველაფერს. მე თუ მკითხავთ, დღეს თუ რიგგარეშე არჩევნები ჩატარდებოდა, დამაჯერებლად დამარცხდებოდა "ქართული ოცნება", - განაცხადა გიორგი ვაშაძემ. 

შეგახსენებთ, თბილისში, პარლამენტის შენობის წინ, "ერთიანი ნაციონალური მოძრაობის" ორგანიზებით აქცია, სახელწოდებით „ერთად ევროპაში“ მიმდინარეობს. 

ავტორი: ექსპრესნიუსი,

სოციალური ქსელები

ლუკას სიპერი - საქართველოს მთავრობა თავის მოსახლეობას აშორებს ევროპისკენ მიმავალი გზისგან, მაგრამ ეს მხოლოდ დროის ამბავია

დევიდ მაკალისტერი- ყველა ძირითადი ოპოზიციური პარტიის აკრძალვისკენ სწრაფვით, რეჟიმმა ავტორიტარული მმართველობისკენ კიდევ ერთი გულგრილი ნაბიჯი გადადგა

ევროკომისარი როსვოლი - ევროკავშირი ქართულ ოცნებას მოუწოდებს, შეცვალოს თავისი საზიანო ქმედებები და ანტიდემოკრატიული კანონმდებლობა, გაათავისუფლოს თვითნებურად დაკავებული ოპოზიციის წევრები

მალგორჟატა გოშევსკა - ივანიშვილი საქართველოში დემოკრატიას ანადგურებს და ქვეყანას რუსული ტიპის დიქტატურისკენ მიაქანებს