თუ შენ მუდმივად არ იბრძვი თავისუფლებისთვის, ამის გარეშე ძნელია შეინარჩუნო თავისუფლება, - ამის შესახებ საქართველოს მეოთხე პრეზიდენტმა, გიორგი მარგველაშვილმა 9 აპრილთან დაკავშირებით  განაცხადა.

მარგველაშვილმა "ტვ პირველთან" საუბრისას 9 აპრილის ტრაგედიისას საქართველოს იმდროინდელი ხელისუფლება დღევანდელ ხელისუფლებას შეადარა და აღნიშნა, რომ "მაშინდელ საქართველოს ლიდერებს დამოუკიდებელი გადაწყვეტილებების მიღება არ უნდოდათ, დღევანდელი ხელისუფლებაც პირდაპირ ასრულებს მოსკოვის დავალებებს".

"ჩვენ ყველამ ერთად დავიწყეთ ბრძოლა, საბჭოთა კავშირის ჩამოშლის ასეთი ნათელი წინაპირობა, როგორც მერე ეს მოხდა და მოხდა ძალიან უცნაური გზით, ეს ისტორიის ძალიან უცნაური განვითარება იყო. ის, რომ ძველებურად აღარ ვიცხოვრებთ, ამისი განცდა ნამდვილად იყო. განცდა იყო, რომ ასე ჩვენ აღარ ვიცხოვრებთ. თუ შენ მუდმივად არ იბრძვი თავისუფლებისთვის, ამის გარეშე ძნელია შეინარჩუნო თავისუფლება. ჩვენი ვითარება ძალიან რთულია, საქმე ისაა, რომ ჩვენ, ის წერტილი, საიდანაც გვჭირდება 9 აპრილზე ლაპარაკი, არის ოცდაათი წლის წინანდელი წერტილი და გეტყვით რატომ - მაშინაც საქართველოს მართავდა რუსეთის მიერ მართული ხელისუფლება, მაშინდელ საქართველოს ლიდერებს დამოუკიდებელი გადაწყვეტილებების მიღება არ უნდოდათ, დღევანდელი ხელისუფლებაც პირდაპირ ასრულებს მოსკოვის დავალებებს", - განაცხადა გიორგი მარგველაშვილმა.

დღეს, 9 აპრილის ტრაგედიიდან 34 წელი გავიდა. 1989 წლის 9 აპრილს, გამთენიისას, საბჭოთა კავშირის შეიარაღებული ძალების ნაწილების მიერ თბილისში, პარლამენტის შენობასთან, მშვიდობიანი საპროტესტო აქციის დარბევას მსხვერპლი მოჰყვა.

დარბევის შედეგად 21 ადამიანი დაიღუპა, ათასობით მოქალაქე კი, დაუდგენელი შემადგენლობის გაზით მოიწამლა.

მოგვიანებით, 1991 წლის 9 აპრილს, უზენაესმა საბჭომ საქართველოს სახელმწიფოებრივი დამოუკიდებლობის აღდგენის შესახებ გამოაცხადა.

ავტორი: ექსპრესნიუსი,

სოციალური ქსელები

ლუკას სიპერი - საქართველოს მთავრობა თავის მოსახლეობას აშორებს ევროპისკენ მიმავალი გზისგან, მაგრამ ეს მხოლოდ დროის ამბავია

დევიდ მაკალისტერი- ყველა ძირითადი ოპოზიციური პარტიის აკრძალვისკენ სწრაფვით, რეჟიმმა ავტორიტარული მმართველობისკენ კიდევ ერთი გულგრილი ნაბიჯი გადადგა

ევროკომისარი როსვოლი - ევროკავშირი ქართულ ოცნებას მოუწოდებს, შეცვალოს თავისი საზიანო ქმედებები და ანტიდემოკრატიული კანონმდებლობა, გაათავისუფლოს თვითნებურად დაკავებული ოპოზიციის წევრები

მალგორჟატა გოშევსკა - ივანიშვილი საქართველოში დემოკრატიას ანადგურებს და ქვეყანას რუსული ტიპის დიქტატურისკენ მიაქანებს