ვერაფერი გადაფარავს და გაახუნებს ამ დღეს, როგორც უდიდესი მსხვერპლის და უდიდესი გამარჯვების აქტს, - ამის შესახებ "ერთიანი ნაციონალური მოძრაობის" ყოფილი თავმჯდომარე ნიკა მელია სოციალურ ქსელში წერს.

მელიას განცხადებით, საქართველოს თავისუფლებისთვის ბრძოლის გამარჯვებით დაგვირგვინება 9 აპრილის გმირებმა განაპირობეს.

"ჩვენ გვაქვს ორი 9 აპრილი - 1989 წლის ტრაგედია, რომელიც 1991 წლის 9 აპრილს ზვიად გამსახურდიამ აქცია გამარჯვებად - გამოცხადდა საქართველოს სახელმწიფოებრივი დამოუკიდებლობის აღდგენა. 

9 აპრილის გმირებმა განაპირობეს საქართველოს თავისუფლებისთვის ბრძოლის დაგვირგვინება გამარჯვებით. 

ვერაფერი გადაფარავს და გაახუნებს ამ დღეს, როგორც უდიდესი მსხვერპლის და უდიდესი გამარჯვების აქტს", - წერს ნიკა მელია "ფეისბუქის" ოფიციალურ გვერდზე.

დღეს, 9 აპრილის ტრაგედიიდან 34 წელი გავიდა. 1989 წლის 9 აპრილს, გამთენიისას, საბჭოთა კავშირის შეიარაღებული ძალების ნაწილების მიერ თბილისში, პარლამენტის შენობასთან, მშვიდობიანი საპროტესტო აქციის დარბევას მსხვერპლი მოჰყვა.

დარბევის შედეგად 21 ადამიანი დაიღუპა, ათასობით მოქალაქე კი, დაუდგენელი შემადგენლობის გაზით მოიწამლა.

მოგვიანებით, 1991 წლის 9 აპრილს, უზენაესმა საბჭომ საქართველოს სახელმწიფოებრივი დამოუკიდებლობის აღდგენის შესახებ გამოაცხადა.

ავტორი: ექსპრესნიუსი,

სოციალური ქსელები

ლუკას სიპერი - საქართველოს მთავრობა თავის მოსახლეობას აშორებს ევროპისკენ მიმავალი გზისგან, მაგრამ ეს მხოლოდ დროის ამბავია

დევიდ მაკალისტერი- ყველა ძირითადი ოპოზიციური პარტიის აკრძალვისკენ სწრაფვით, რეჟიმმა ავტორიტარული მმართველობისკენ კიდევ ერთი გულგრილი ნაბიჯი გადადგა

ევროკომისარი როსვოლი - ევროკავშირი ქართულ ოცნებას მოუწოდებს, შეცვალოს თავისი საზიანო ქმედებები და ანტიდემოკრატიული კანონმდებლობა, გაათავისუფლოს თვითნებურად დაკავებული ოპოზიციის წევრები

მალგორჟატა გოშევსკა - ივანიშვილი საქართველოში დემოკრატიას ანადგურებს და ქვეყანას რუსული ტიპის დიქტატურისკენ მიაქანებს