ყველაფერს გავაკეთებთ იმისთვის, რომ ცნობილი იყოს, ვისი მხრიდან იქნა ინფორმაცია მიწოდებული,- ასე ეხმაურება პარლამენტის იურიდიულ საკითხთა კომიტეტის თავმჯდომარე ანრი ოხანაშვილი აშშ-ის მიერ 4 ქართველი მოსამართლის დასანქცირებას.

მისი თქმით, მსგავსი მძიმე გადაწყვეტილება, იმ დროსაც კი არ გამოტანილა, როდესაც პარლამენტის წევრები სასამართლოს კარნახობდნენ, თუ რა გადაწყვეტილებები უნდა მიეღო.

„ჩვენ ყველაფერს გავაკეთებთ იმისთვის, რომ ერთი, ცნობილი იყოს ვისი მხრიდან იქნა ინფორმაცია მიწოდებული, რა ინფორმაციაზე დაყრდნობით მოხდა კონკრეტული გადაწყვეტილების მიღება, რასთან გვაქვს საქმე, ყველას გვაინტერესებს.

პარლამენტის წევრები როდესაც კარნახობდნენ სასამართლოს რა გადაწყვეტილებები უნდა მიეღო, იმ დროს არ ყოფილა ასეთი მძიმე გადაწყვეტილება გამოტანილი და ჩვენთვის საინტერესოა და ჩვენი საზოგადოებისთვის, რომ როგორ შეიძლება ეს აიხსნას. იქნება კონკრეტული საკითხები, რომლებზეც მოგვიწევს ჩვენ ყველას მსჯელობა და ეს საზოგადოების განხილვის საგნად იქცევა. ყველაფერს აქვს თავისი დრო, არსებობს რაღაც დიპლომატიური ეტიკეტი და თანამშრომლობა და ჩვენ ამ ეტიკეტს ვირჩევთ, რომ ჩვენ პარტნიორებთან გვქონდეს კომუნიკაცია და გავერკვეთ კონკრეტულ საკითხებში, ამის მიხედვით დავგეგმავთ შემდგომ ნაბიჯებს",- განაცხადა ოხანაშვილმა.

შეგახსენებთ, გუშინ, 5 აპრილს აშშ-ის სახელმწიფო დეპარტამენტმა მოსამართლე მიხეილ ჩინჩალაძე, ლევან მურუსიძე, ირაკლი შენგელია და ვალერიან ცერცვაძე კორუფციის გამო დაასანქცირა.

სანქცია ითვალისწინებს აღნიშნული პირებისა და მათი უშუალო ოჯახის წევრების მიმართ აშშ-ში შესვლის აკრძალვას.

ავტორი: ექსპრესნიუსი,

სოციალური ქსელები

ლუკას სიპერი - საქართველოს მთავრობა თავის მოსახლეობას აშორებს ევროპისკენ მიმავალი გზისგან, მაგრამ ეს მხოლოდ დროის ამბავია

დევიდ მაკალისტერი- ყველა ძირითადი ოპოზიციური პარტიის აკრძალვისკენ სწრაფვით, რეჟიმმა ავტორიტარული მმართველობისკენ კიდევ ერთი გულგრილი ნაბიჯი გადადგა

ევროკომისარი როსვოლი - ევროკავშირი ქართულ ოცნებას მოუწოდებს, შეცვალოს თავისი საზიანო ქმედებები და ანტიდემოკრატიული კანონმდებლობა, გაათავისუფლოს თვითნებურად დაკავებული ოპოზიციის წევრები

მალგორჟატა გოშევსკა - ივანიშვილი საქართველოში დემოკრატიას ანადგურებს და ქვეყანას რუსული ტიპის დიქტატურისკენ მიაქანებს