მეტი მოწოდება, რომ აკონტროლონ ქართული მართლმსაჯულება, აღარ არსებობს, - ასე ეხმაურება მოძრაობა "ხალხის ძალის" წევრი გურამ მაჭარაშვილი ამერიკის შეერთებული შტატების მიერ 4 ქართველი მოსამართლის დასანქცირებას.

მაჭარაშვილის თქმით, ასეთი გზავნილები პირდაპირ მეტყველებს იმაზე, რომ აშშ საქართველოს ვერ ხედავს როგორც სუვერენულ, შემდგარ სახელმწიფოს. 

"მეტი როგორღა უნდა თქვას შეერთებულმა შტატებმა, რომ მათ უნდათ, კონტროლი დაამყარონ ქართულ მართლმსაჯულებაზე. უკვე საზოგადოებასაც აღარ ეპარება ეჭვი. პირდაპირ ამბობენ იმიტომ, რომ თქვენ არ ნიშნავთ იუსტიციის უმაღლეს საბჭოში იმ ადამიანებს, ვისაც ჩვენ გეუბნებითო; იმიტომ, რომ არ ნიშნავთ ისეთ მოსამართლეებს, ვისზეც ჩვენ გეუბნებით და იმიტომ, რომ იღებთ გადაწყვეტილებებს, რომელიც არ მოსწონს შეერთებულ შტატებს და იბარებ საელჩოში, ამიტომ დასანქცირდებითო. მეტი მოწოდება, რომ აკონტროლონ ქართული მართლმსაჯულება, აღარ არსებობს. აქ მთავარი გზავნილია კიდევ, ისინი საქართველოს ვერ ხედავენ, როგორც შემდგარ სახელმწიფოს და სუვერენულ ქვეყანას. ადრე ფორმალურად მაინც ამბობენ და ახლა ვეღარც ამბობენ, რომ საქართველო სუვერენულია", - განაცხადა გურამ მაჭარაშვილმა.

შეგახსენებთ,  გუშინ, 5 აპრილს აშშ-ის სახელმწიფო დეპარტამენტმა მოსამართლე მიხეილ ჩინჩალაძე, ლევან მურუსიძე, ირაკლი შენგელია და ვალერიან ცერცვაძე კორუფციის გამო დაასანქცირა.

სანქცია ითვალისწინებს აღნიშნული პირებისა და მათი უშუალო ოჯახის წევრების მიმართ აშშ-ში შესვლის აკრძალვას.

ავტორი: ექსპრესნიუსი,

სოციალური ქსელები

ლუკას სიპერი - საქართველოს მთავრობა თავის მოსახლეობას აშორებს ევროპისკენ მიმავალი გზისგან, მაგრამ ეს მხოლოდ დროის ამბავია

დევიდ მაკალისტერი- ყველა ძირითადი ოპოზიციური პარტიის აკრძალვისკენ სწრაფვით, რეჟიმმა ავტორიტარული მმართველობისკენ კიდევ ერთი გულგრილი ნაბიჯი გადადგა

ევროკომისარი როსვოლი - ევროკავშირი ქართულ ოცნებას მოუწოდებს, შეცვალოს თავისი საზიანო ქმედებები და ანტიდემოკრატიული კანონმდებლობა, გაათავისუფლოს თვითნებურად დაკავებული ოპოზიციის წევრები

მალგორჟატა გოშევსკა - ივანიშვილი საქართველოში დემოკრატიას ანადგურებს და ქვეყანას რუსული ტიპის დიქტატურისკენ მიაქანებს