ტრაბახობთ ეკონომიკური ზრდით - თუ ეკონომიკა იზრდება, მაშინ ხალხი რატომ გარბის ქვეყნიდან,- ასე მიმართა ოპოზიციონერმა დეპუტატმა, რომან გოცირიძემ პარლამენტის პლენარულ სხდომაზე "ქართული ოცნების" დეპუტატებს.

გოცირიძის განცხადებით, ყველაზე წარუმატებელი დღევანდელი  ხელისუფლების პერიოდში ეკონომიკაა, რამაც  ხალხი გააღატაკა.

„რომელ სფეროში შეიძლება ჰქონოდა საქართველოს წარმატება, როდესაც ყველაზე წარუმატებელი თქვენი ხელისუფლების არსებობის პერიოდში არის ეკონომიკა, გაღატაკდა ხალხი, იცლება ქვეყანა და არ ყოფილა პროგრესული გადაწყვეტილება მიღებული ეკონომიკაში, რომელსაც შეიძლება რაღაც მომავლის იმედი გაეჩინა ხალხისთვის", - განაცხადა რომან გოცირიძემ.

დეპუტატის თქმით, პრემიერ-მინისტრი და მთელი უმრავლესობა სიცრუეზე აგებს პროპაგანდას, იტყუება და „ნაცარს აყრის" ხალხს თვალში.

„ტრაბახობთ ეკონომიკური ზრდით - თუ ეკონომიკა იზრდება, მაშინ ხალხი რატომ გარბის ქვეყნიდან. ეკონომიკური ზრდის პროდუქტის, სამწუხაროდ, დიდი ნაწილი ჩვენს მოქალაქეებს არ ხმარდებოდა  და ამ ეკონომიკური ზრდის საკმაო ნაწილი იყო ფიქტიური ზრდა. ეკონომიკა არის ის, რომელშიც თქვენ განიცადეთ ყველაზე მძიმე შედეგები არაპროფესიონალიზმის, კორუფციის, ნეპოტიზმისა და ბიუროკრატიის ზრდის გამო. ამიტომ, სჯობს ისევ ნაცად თემებს მიმართოთ, როგორიც არის ეკლესიის მაგინებლები, ლგბტ პროპაგანდისტები, უცხოური აგენტები და სატანისტები", - მიმართა რომან გოცირიძემ "ოცნებას".

ავტორი: ექსპრესნიუსი,

სოციალური ქსელები

ლუკას სიპერი - საქართველოს მთავრობა თავის მოსახლეობას აშორებს ევროპისკენ მიმავალი გზისგან, მაგრამ ეს მხოლოდ დროის ამბავია

დევიდ მაკალისტერი- ყველა ძირითადი ოპოზიციური პარტიის აკრძალვისკენ სწრაფვით, რეჟიმმა ავტორიტარული მმართველობისკენ კიდევ ერთი გულგრილი ნაბიჯი გადადგა

ევროკომისარი როსვოლი - ევროკავშირი ქართულ ოცნებას მოუწოდებს, შეცვალოს თავისი საზიანო ქმედებები და ანტიდემოკრატიული კანონმდებლობა, გაათავისუფლოს თვითნებურად დაკავებული ოპოზიციის წევრები

მალგორჟატა გოშევსკა - ივანიშვილი საქართველოში დემოკრატიას ანადგურებს და ქვეყანას რუსული ტიპის დიქტატურისკენ მიაქანებს