„კამპანია, რომელსაც მავნებლობის გარდა არაფერი შეიძლება დაერქვას, გრძელდება და ამ კამპანიის შესრულების  და აღსრულების პროცესს ვუყურებთ ჩვენ რადიკალური ოპოზიციის მხრიდან", - ამის შესახებ  ფრაქცია „ქართული ოცნების" თავმჯდომარემ, მამუკა მდინარაძემ პარლამენტის პლენარულ სხდომაზე განაცხადა.

როგორც მდინარაძემ აღნიშნა, ოპოზიცია მიჰყვება გეგმას, რომლის პირველ ნაწილ კანდიდატის სტატუსთან დაკავშირებით მოლოდინის აწევა წარმოადგენს.

„ყველამ კარგად ვნახეთ, რომ უსამართლობა იყო ის საფუძველი, რის გამოც კანდიდატის სტატუსი, უკვე წარსულში, დღევანდელი გადასახედიდან, ვერ მიიღო  არა „ქართულმა ოცნებამ" არამედ ჩვენმა ქვეყანამ და ეს ევროკავშირმა კრიტერიუმების გამოქვეყნებით აღიარა", -განაცხადა ფრაქციის თავმჯდომარემ.

მამუკა მდინარაძის განცხადებით, ამ გეგმის მეორე ეტაპი არის კანდიდატის სტატუსის არ მიღება, რაშიც ოპოზიცია ცდილობს, რომ მაქსიმალურად იყოს ჩართული.

„ახალ ფორმატებს რომ გვიანონსებთ, სამწუხაროდ, საქართველოს პრეზიდენტთან ერთად, იმ პრეზიდენტთან ერთად, რომელიც ორის დღის წინ ამ ტრიბუნასთან გამოსვლის დროს ამბობდა, რომ არ გვეკუთვნოდა კანდიდატის სტატუსი და არც ახლა გვეკუთვნის იმიტომ, რომ, თითქოს, ფორმალურად არის შესრულებული რეკომენდაციები, მაშინ, როდესაც თითქმის ბოლოში ვართ გასული და სულ 2-3 რეკომენდაცია რჩება შესასრულებელი. თქვენ ქვეყნის პარლამენტის ტრიბუნიდან ეუბნებით მთელ მსოფლიოს, ევროპას, ევროკავშირს, რომ ჩვენ არ გვაქვს შესრულებული რეკომენდაციები, რაც არის ტყუილი და ეს არის საქართველოს საწინააღმდეგო მოქმედება. ამის შემდეგი ეტაპი არის ის, რომ შეიქმნას ემოციური ფონი, აადუღოთ სიტუაცია ქვეყანაში, მოხდეს რევოლუცია და შეცვალოთ ხელისუფლება. ამიტომ თქვენ ვერავინ დაგიჯერებთ, რომ თქვენ გინდათ საქართველოსთვის კანდიდატის სტატუსის მიღება და ამაზე თქვენი განცხადებებიც მეტყველებს",  -  განაცხადა ფრაქციის თავმჯდომარემ.

ავტორი: ექსპრესნიუსი,

სოციალური ქსელები

ლუკას სიპერი - საქართველოს მთავრობა თავის მოსახლეობას აშორებს ევროპისკენ მიმავალი გზისგან, მაგრამ ეს მხოლოდ დროის ამბავია

დევიდ მაკალისტერი- ყველა ძირითადი ოპოზიციური პარტიის აკრძალვისკენ სწრაფვით, რეჟიმმა ავტორიტარული მმართველობისკენ კიდევ ერთი გულგრილი ნაბიჯი გადადგა

ევროკომისარი როსვოლი - ევროკავშირი ქართულ ოცნებას მოუწოდებს, შეცვალოს თავისი საზიანო ქმედებები და ანტიდემოკრატიული კანონმდებლობა, გაათავისუფლოს თვითნებურად დაკავებული ოპოზიციის წევრები

მალგორჟატა გოშევსკა - ივანიშვილი საქართველოში დემოკრატიას ანადგურებს და ქვეყანას რუსული ტიპის დიქტატურისკენ მიაქანებს