სიმართლე არის მარტივი, სინამდვილეში თქვენ დაგრჩათ მხოლოდ ისეთი მედროვე ხალხი, რომელიც ჩაბარდება ყველა ხელისუფლებას. „ნაციონალური მოძრაობის“ დროს "ნაციონალი" იქნება, „ქართული ოცნების“ დროს „ოცნების“ მსახური იქნება და მათი პირიდან სიმართლე არასდროს არ ამოვა,- ასე მიმართა "ლელოს" დეპუტატმა, სალომე სამადაშვილმა პარლამენტის პლენარულ სხდომაზე "ქართული ოცნების" დეპუტატებს.

მისი თქმით, ხელისუფლებამ ერთი ხელით შეიტანა განაცხადი ევროკავშირში გაწევრიანებაზე და მეორე ხელით, მიიღო „რუსული კანონი".

„სამარცხვინო, იაფფასიანი მედროვეები მაკა ბოჭორიშვილის მსაგავსი, რომელიც 8 წლის მანძილზე მუშაობდა „ნაციონალური მოძრაობის“ დროს ევროკავშირში, ჩვენს მისიაში. დადიოდა 2012 წელს და ევროპულ ინსტიტუციებში საუბრობდა იმის შესახებ, რომ ბიძინა ივანიშვილი იყო რუსი ოლიგარქი და დღეს ამ დარბაზიდან საუბრობს იმაზე, რომ თურმე მაშინ ხელისუფლება ევროინტეგრაციისთვის არაფერს აკეთებდა.

სიმართლე არის მარტივი, სინამდვილეში თქვენ დაგრჩათ მხოლოდ ისეთი მედროვე ხალხი, რომელიც ჩაბარდება ყველა ხელისუფლებას. „ნაციონალური მოძრაობის“ დროს "ნაციონალი" იქნება, „ქართული ოცნების“ დროს „ოცნების“ მსახური იქნება და მათი პირიდან სიმართლე არასდროს არ ამოვა. ამიტომ, არის ყველაფერი, რაც დღეს აქ მოისმინეთ, ტყუილი და სიმართლე  არის ის რაც გითხრათ თქვენს მიერ არჩეულმა პრეზიდენტმა ამ დარბაზში რამდენიმე დღის წინ.

თქვენ ხართ ხელისუფლება, რომელმაც ერთი ხელით შეიტანა განაცხადი ევროკავშირში გაწევრიანებაზე და მეორე ხელით მიიღო „რუსული კანონი“, რათა ჩაეშალა ჩვენი ევროპული პერსპექტივა, მაგრამ არ გაგივიდათ. არ გაგივიდათ სწორედ იმიტომ, რომ ჩვენმა თანამოქალაქეებმა იბრძოლეს ამ მომავლისთვის და თქვენ მოქალაქეს - ზაზა ბილიაშვილს თვალი ამოთხარეთ იმისთვის, რომ ის იცავდა ამ ქვეყნის მომავალს.

მოძლადე ამ ქვეყანაში არის ერთადერთი - „ქართული ოცნება“. ძალადობა არის, როდესაც შენ შენს ხალხს ცდილობ, რომ წაართვა კონსტიტუციური უფლება, რომელიც მას აქვს იცხოვორს ევროპულ მომავალში",-  მიმართა სამადაშვილმა "ქართული ოცნების" დეპუტატებს.

ავტორი: ექსპრესნიუსი,

სოციალური ქსელები

ლუკას სიპერი - საქართველოს მთავრობა თავის მოსახლეობას აშორებს ევროპისკენ მიმავალი გზისგან, მაგრამ ეს მხოლოდ დროის ამბავია

დევიდ მაკალისტერი- ყველა ძირითადი ოპოზიციური პარტიის აკრძალვისკენ სწრაფვით, რეჟიმმა ავტორიტარული მმართველობისკენ კიდევ ერთი გულგრილი ნაბიჯი გადადგა

ევროკომისარი როსვოლი - ევროკავშირი ქართულ ოცნებას მოუწოდებს, შეცვალოს თავისი საზიანო ქმედებები და ანტიდემოკრატიული კანონმდებლობა, გაათავისუფლოს თვითნებურად დაკავებული ოპოზიციის წევრები

მალგორჟატა გოშევსკა - ივანიშვილი საქართველოში დემოკრატიას ანადგურებს და ქვეყანას რუსული ტიპის დიქტატურისკენ მიაქანებს