გეკითხებით - თუ დასავლეთი გვაძალებს ომს, სტრატეგიულად რას ეფუძნება ჩვენი უსაფრთხოების კონცეფცია, რუსეთის გულის მოგებას? რუსეთთან მუხლებზე დადგომას? - ამ შეკითხვით მიმართა „რეფორმების ჯგუფის" წევრმა, პაატა მანჯგალაძემ პარლამენტის პლენარულ სხდომაზე "ქართული ოცნების" დეპუტატებს.

როგორც მანჯგალაძემ სიტყვით გამოსვლისას განაცხადა, ხელისუფლება "რუსულ საქმეს" აკეთებს, რის გამოც, საზოგადოებას მმართველი პოლიტიკური გუნდის აღარ სჯერა.

"გეკითხებით, რას აკეთებს უმრავლესობა გარდა იმისა, რომ გადააბრალოს დასავლეთს - "დასავლეთი ომს გვაძალებს". აი, კიდევ გეკითხებით - თუ დასავლეთი გვაძალებს ომს, სტრატეგიულად რას ეფუძნება ჩვენი უსაფრთხოების კონცეფცია? - რუსეთის გულის მოგებას? რუსეთთან მუხლებზე დადგომას? თუ დასავლეთს მტრად წარმოაჩენთ საზოგადოებაში, რას ეფუძნება ჩვენი უსაფრთხოება. მართლა არ მესმის, დასავლეთი ომს გვაძალებს და რუსეთი, რომელიც ოკუპანტია, რას შვება, ჩვენი მეგობარია?... რატომ ვაკეთებთ ამას, რომ საქართველო გახდეს დამოკიდებული და უფრო დიდი ბერკეტი ჰქონდეს რუსეთს საქართველოზე. აი, ეს არის რუსული საქმე. ეს არის მთავარი პრობლემა ქვეყნის და ამის გამო არ სჯერა თქვენი ხალხს და არც ჩვენ", - მიმართა მანჯგალაძემ "ქართული ოცნების" დეპუტატებს.

ავტორი: ექსპრესნიუსი,

სოციალური ქსელები

ლუკას სიპერი - საქართველოს მთავრობა თავის მოსახლეობას აშორებს ევროპისკენ მიმავალი გზისგან, მაგრამ ეს მხოლოდ დროის ამბავია

დევიდ მაკალისტერი- ყველა ძირითადი ოპოზიციური პარტიის აკრძალვისკენ სწრაფვით, რეჟიმმა ავტორიტარული მმართველობისკენ კიდევ ერთი გულგრილი ნაბიჯი გადადგა

ევროკომისარი როსვოლი - ევროკავშირი ქართულ ოცნებას მოუწოდებს, შეცვალოს თავისი საზიანო ქმედებები და ანტიდემოკრატიული კანონმდებლობა, გაათავისუფლოს თვითნებურად დაკავებული ოპოზიციის წევრები

მალგორჟატა გოშევსკა - ივანიშვილი საქართველოში დემოკრატიას ანადგურებს და ქვეყანას რუსული ტიპის დიქტატურისკენ მიაქანებს