გივი თარგამაძის შეფასებით, იური ვაზაგაშვილის მკვლელობაზე პროკურატურის ვერსია დამაჯერებელი არ არის

2015-02-08 17:52:15, 4456 ნახვა

კომენტარი

„ნაციონალური მოძრაობის“ წევრის გივი თარგამაძეს შეფასებით, პროკურატურის ვერსია, იური ვაზაგაშვილის მკვლელობასთან დაკავშირებით, დამაჯერებელი არ არის.

როგორც მან ჟურნალისტებს განუცხადა, ამ ეტაპზე რთულია მსჯელობა იმასთან დაკავშირებით, თუ რა მოტივით მოქმედებდა ვაზაგაშვილის მკვლელობაში ბრალდებული მოქმედი პოლიციელი.

„მიუხედავად მისი მზადყოფნისა, რომ ჟურნალისტების ყველა კითხვაზე პასუხი გაეცა, მან მთავარ კითხვას, მოტივთან დაკავშირებით, არ უპასუხა. აქედან გამომდინარე, ძნელია მსჯელობა იმაზე, მოქმედ პოლიციელს რა მოტივი ქონდა და რა მიზნები ამოძრავებდა იმისთვის, რომ მსგავსი დანაშაული ჩაედინა. ამ ხელისუფლებას სახელი საკმარისად აქვს გატეხილი იმისთვის, რომ ასე მოწოდებული ვერსია, დასაბუთების გარეშე, დამაჯერებელი იყოს“, – აღნიშნა თარგამაძემ.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან