„ეს არის სახელმწიფოს უპატივცემლობა, ქართველი ხალხის უპატივცემლობა, რაც მათ განცხადებებსა და ქმედებებში არაერთხელ დადასტურებულა“, - ასე ეხმაურება თბილისის მერი კახა კალაძე ევროპარლამენტარი ვიოლა ფონ კრამონის 21 წლის ლაზარე გრიგორიადისის მხარდამჭერ აქციაზე მისვლას.

თბილისის მერის თქმით, კრამონისა და სხვა კონკრეტული ევროპარლამენტარების  განცხადებები პოლარიზაციის არათუ შემცირებას, პირიქით, გაღრმავებას უწყობს  ხელს და გამოხატავს მათ გარკვეულ პოლიტიკურ   დღის წესრიგს.  

„იმ 12-პუნქტიან გეგმაში პირველი, რაც წერია, არის დეპოლარიზაცია. ერთი მხრივ, მოგვიწოდებენ დეპოლარიზაციისკენ, მეორე მხრივ, ეს ადამიანები, ე.წ. ჩვენი ქვეყნის მეგობრები, პირიქით, ხელს უწყობენ პოლარიზაციას, ხელს უწყობენ მარგინალური რადიკალური დაჯგუფებების დაფინანსებას პირდაპირ და მათი ეს განცხადებები, რბილად რომ შევაფასოთ, არის ძალიან დიდი უპატივცემლობა. მე ვფიქრობ, ჩვენი ქვეყნის მოსახლეობა და ქართველი ხალხი ძალიან კარგად ხედავს არსებულ ვითარებას, არსებულ რეალობას, ვინ არის მართლა ამ ქვეყნის მეგობარი, ვის აქვს სურვილი, რომ ჩვენი ქვეყანა განვითარდეს, წინ წავიდეს, მოხდეს ევრინტეგრაცია.  ასეთ ადამიანებს, როგორიც არის ქალბატონი ვიოლა, ნამდვილად არანაირი სურვილი არ აქვთ საქართველოს განვითარების, წინსვლის და საქართველოს ევროინტეგრაციის. ამ ადამიანებს აქვთ თავიანთი კონკრეტული ინტერესები“, - განაცხადა კახა კალაძემ.

შეგახსენებთ, 1-ელ აპრილს, მთავრობის კანცელარიასთან 21 წლის ლაზარე გრიგორიადისის მხარდამჭერ აქციაზე საქართველოში ვიზიტით მყოფი გერმანელი ევროპარლამენტარი ვიოლა ფონ კრამონი იმყოფებოდა. 

ავტორი: ექსპრესნიუსი,

სოციალური ქსელები

ლუკას სიპერი - საქართველოს მთავრობა თავის მოსახლეობას აშორებს ევროპისკენ მიმავალი გზისგან, მაგრამ ეს მხოლოდ დროის ამბავია

დევიდ მაკალისტერი- ყველა ძირითადი ოპოზიციური პარტიის აკრძალვისკენ სწრაფვით, რეჟიმმა ავტორიტარული მმართველობისკენ კიდევ ერთი გულგრილი ნაბიჯი გადადგა

ევროკომისარი როსვოლი - ევროკავშირი ქართულ ოცნებას მოუწოდებს, შეცვალოს თავისი საზიანო ქმედებები და ანტიდემოკრატიული კანონმდებლობა, გაათავისუფლოს თვითნებურად დაკავებული ოპოზიციის წევრები

მალგორჟატა გოშევსკა - ივანიშვილი საქართველოში დემოკრატიას ანადგურებს და ქვეყანას რუსული ტიპის დიქტატურისკენ მიაქანებს