კოლექტიურმა ლაზარეებმა გადაარჩინეს ჩვენი ქვეყნის კონსტიტუცია, სადაც შავი თეთრზე წერია საქართველოს ევროპული მომავლის შესახებ, - ამის შესახებ „ერთიანი ნაციონალური მოძრაობის“ თავმჯდომარემ, ლევან ხაბეიშვილმა განაცხადა.

მისივე თქმით, თუ ვინმემ კანონი და კონსტიტუცია დაარღვია, თუ ვინმემ სამშობლოს უღალატა, თუ ვინმე არის დასასჯელი, მათ შორის კონსტიტუციის ფეხქვეშ გათელვისთვის, არის მმართველი პარტია და რასაც ლაზარეზე მოიგონებენ, არის რუსული რეპრესიების მაგალითი.

„ახალგაზრდა ბავშვზე, რა მუქარაც იქნება, რა ზეწოლაც იქნება, 11 წლით პატიმრობით დაემუქრებიან თუ რაც იქნება, საზოგადოებამ ერთი რაღაც კარგად უნდა აღიქვას, რომ კოლექტიური ლაზარეები, ახალგაზრდები, იცავდნენ საქართველოს კონსტიტუციას, სადაც შავი თეთრზე წერია ჩვენი ევროპული მომავლის შესახებ. ეს კონსტიტუცია „რუსულმა ოცნებამ“ აიღო და დააპირა, რომ დაეხია და კოლექტიურმა ლაზარეებმა, ახალგაზრდებმა არ მისცეს უფლება „რუსულ ოცნებას“ კონსტიტუცია გაეთელა ფეხქვეშ, თუ ვინმემ კანონი და კონსტიტუცია დაარღვია, თუ ვინმემ სამშობლოს უღალატა, თუ ვინმე არის დასასჯელი, მათ შორის კონსტიტუციის ფეხქვეშ გათელვისთვის, არის „რუსული ოცნება“ და რასაც ახლა ლაზარეზე მოიგონებენ, არის რუსული რეპრესიების მაგალითი“, - განაცხადა ლევან ხაბეიშვილმა.

ცნობისთვის, "უცხოური აგენტების" კანონპროექტის წინააღმდეგ პროტესტში მონაწილე ლაზარე გრიგორიადისი 29 მარტს დააკავეს. 21 წლის ახალგაზრდას პოლიციელზე თავდასხმასა და ცეცხლის წაკიდებით სხვისი ნივთის დაზიანებას ედავებიან.

შსს-ს ინფორმაციით, გამოძიებით დადგინდა, რომ ლაზარე გრიგორიადისმა მიმდინარე წლის 7, 8, 9 მარტს, თბილისში, რუსთაველის გამზირზე გამართულ საპროტესტო აქციაზე პოლიციის თანამშრომლებს ესროლა ქვები და ე.წ. მოლოტოვის კოქტეილები, რის შედეგადაც დაზიანება მიიღეს სამართალდამცველებმა. ასევე, მან ცეცხლი წაუკიდა შინაგან საქმეთა სამინისტროს კუთვნილ ავტომობილს.

აღნიშნულ ფაქტებზე გამოძიება სისხლის სამართლის კოდექსის 353-ე პრიმა და 187-ე მუხლებით წარიმართა.

ავტორი: ექსპრესნიუსი,

სოციალური ქსელები

ლუკას სიპერი - საქართველოს მთავრობა თავის მოსახლეობას აშორებს ევროპისკენ მიმავალი გზისგან, მაგრამ ეს მხოლოდ დროის ამბავია

დევიდ მაკალისტერი- ყველა ძირითადი ოპოზიციური პარტიის აკრძალვისკენ სწრაფვით, რეჟიმმა ავტორიტარული მმართველობისკენ კიდევ ერთი გულგრილი ნაბიჯი გადადგა

ევროკომისარი როსვოლი - ევროკავშირი ქართულ ოცნებას მოუწოდებს, შეცვალოს თავისი საზიანო ქმედებები და ანტიდემოკრატიული კანონმდებლობა, გაათავისუფლოს თვითნებურად დაკავებული ოპოზიციის წევრები

მალგორჟატა გოშევსკა - ივანიშვილი საქართველოში დემოკრატიას ანადგურებს და ქვეყანას რუსული ტიპის დიქტატურისკენ მიაქანებს