რატომ იზრდება დამოკიდებულება რუსეთზე? - აღნიშნული კითხვით  პოლიტიკური ჯგუფის „რეფორმების ჯგუფის" წევრმა, პაატა მანჯგალაძემ პრემიერ-მინისტრ ირაკლი ღარიბაშვილსა და ხელისუფლების წარმომადგენლებს პარლამენტის სხდომაზე მიმართა.

მანჯგალაძემ სხდომაზე, სადაც მთავრობის მეთაურის ინტერპელაციის წესით მოსმენა მიმდინარეობს, განაცხადა, რომ ხელისუფლება საზოგადოებას "არარსებული საფრთხეებით" თრგუნავს.

„აქეთ არის, ნატო, აქეთ არის ევროპა, რომელიც არის ნამდვილი უსაფრთხოება, მშვიდობა და იქით არის რუსული ჭაობი და რას გვეუბნებიან საპირწონედ? თურმე, რუსეთთან ფრენების აღდგენა და უვიზო მიმოსვლა ყოფილა ჩვენი ამოცანა. ანუ რუსულ ჭაობში უვიზოდ რომ გავფრინდებით ეს ყოფილა საქართველოს ამოცანა. აი, ამას ამბობს „ქართული ოცნება". თქვენ გინდათ, რომ არარსებული საფრთხეებით დათრგუნოთ საზოგადოება. თუ ძლიერისთვის კუდის ქიცინი არის სტრატეგია, აშშ რუსეთზე ათჯერ ძლიერია; თუ მეზობელზეა საუბარი, „მასკვას" ჩაძირვის შემდეგ, თურქეთი შავ ზღვაში ყველაზე ძლიერია და რატომ არ გინდათ მათ დაუძახოთ „ბაბაია"? ამ ყველაფერზე პასუხი გაქვთ? რატომ იზრდება დამოკიდებულება რუსეთზე?" - მიმართა მანჯგალაძემ ღარიბაშვილს.

ავტორი: ექსპრესნიუსი,

სოციალური ქსელები

ლევან სანიკიძე - დღეს საქართველოში პოლიტიკა მკვდარია - ამ დროს ისევ გრძელდება მარჩიელობა, კობახიძეს მოხსნიან თუ არა

მობაილბანკის სექტემბრის განახლებები - კიდევ უფრო მარტივი, მოქნილი და შენზე მორგებული

ჯანმო-მ ჯერ კიდევ არ მიიღო საჭირო განმარტება რუსეთისგან ჭირით შესაძლო გარდაცვალების შესახებ

პროკურატურამ სერგი ყანჩელის წამების და გაუპატიურების შესახებ განცხადებაზე, გამოძიება დაიწყო