ოპოზიციონერი დეპუტატები ანა ნაცვლიშვილი და პაატა მანჯგალაძე აცხადებენ, რომ "დეოლიგარქიზაციის კანონისა" და "სასამართლოს კანონის" შესახებ ვენეციის კომისიის დასკვნაში ნათქვამია, რომ კანონპროექტები ევროკავშირის 12 რეკომენდაციით გათვალისწინებულ მოთხოვნებს არ შეესაბამება.

დეპუტატებმა ცოტა ხნის წინ საკანონმდებლო ორგანოს თავმჯდომარის აპარატს შალვა პაპუაშვილისთვის გადასაცემად ჩააბარეს ვენეციის კომისიის დასკვნებში მარკერით მონიშნული მონაკვეთები, რომლებშიც კანონმდებლების თქმით, სწორედ ვენეციის კომისიის უარყოფითი პოზიცია ჩანს.

"ვინაიდან პარლამენტის თავმჯდომარე თავად ვერ პოულობს და ვერ კითხულობს ვენეციის კომისიის დასკვნებს, ან ის ადამიანები, რომლებსაც ამ დავალებას აძლევს, არიან არაკომპეტენტურები და ვერ მოუძებნეს პარლამენტის თავმჯდომარეს, რაც წერია რეალურად ვენეციის კომისიის დასკვნაში, დავეხმარებით მას და გავუხაზეთ მარკერით და აღვუნიშნეთ შინაარსი ამ დასკვნის. ეს არის ორი დასკვნა, რომელშიც არის შეფასებული "ოცნების" მიერ მომზადებული "დეოლიგარქიზაციის  კანონი" და ასევე "ოცნების" მიერ მომზადებული "სასამართლოს კანონი". ორივე დასკვნა ამბობს, რომ ის, რაც ამ თვეების განმავლობაში ვითომ რომ მუშაობდა "ქართული ოცნება" და საზოგადოებას ატყუებდა, რომ რაღაცას წერდა, აი, ის რაღაც, რაც დაწერეს და გაგზავნეს ვენეციის კომისიაში, ორივე დასკვნაში ორივე კანონპროექტთან დაკავშირებით წერია, რომ ეს არ იქნება იმ მოთხოვნებისა და შინაარსის შესრულება, რომელიც არის 12 რეკომენდაცია. გამოსავალი არის ის, რომ "ქართულმა ოცნებამ" საზოგადოებისთვის თვალში ნაცრის შეყრას დაანებოს თავი და აღიაროს სიმართლე... დასკვნების მიხედვით, ამ კანონების მიღების შემთხვევაში არათუ რეკომენდაციები არ სრულდება, არამედ კანონის დაცვასა და დემოკრატიას კიდევ უფრო მეტი საფრთხე შეექმნება", - განაცხადა ანა ნაცვლიშვილმა.

ავტორი: ექსპრესნიუსი,

სოციალური ქსელები

ივაჭრე კრიპტოთი თიბისის მობაილბანკში და მიიღე ბიტკოინი ბონუსად

გორდულაძე – ევროპარლამენტმა უსაფუძვლო და თავდასხმაზე ორიენტირებული რეზოლუციები ცხრაჯერ გაისროლა და ცხრაჯერვე ააცილა

ირაკლი ნადირაძე - ივანიშვილის რუსულ, ავტოკრატიულ რეჟიმთან არც საპროცესო შეთანხმებას და არც შეწყალების თხოვნას არათუ არ ვაპირებ, არც კი განვიხილავ

გიორგი შარაშიძე – ქართული ოცნების ლიდერებმა საკუთარ თავს მოჰკითხონ, რატომ დგება დღის წესრიგში მათი დასანქცირების საკითხი