ვგმობთ, ქართული ოცნების ორგანიზებული დაჯგუფების მიერ, კონსტიტუციის და კანონის ფეხქვეშ გათელვით, ქართველი ხალხის აბსოლუტური უმრავლესობის ნების საწინააღმდეგოდ, საქართველოს პარლამენტის შენობასთან აღმართული ევროკავშირის დროშის ჩამოხსნას და დაწვას. ასე გამოეხმაურა "ერთიანი ნაციონალური მოძრაობა" პრორუსული მოძრაობა „ალტ-ინფოს“ წევრების მიერ საკანონმდებლო ორგანოსთან ევროკავშირის დროშის ჩამოხსნასა და დაწვას.

განცხადებაში ასევე ნათქვამია, რომ მმართველი პარტია პანიკაშია და დაწყებულია შეუქცევადი პროცესი და იმგვარი პროტესტით, რომელიც პარლამენტის მიმდებარე ტერიტორიაზე ვიხილეთ, ისინი ცდილობენ ძალის დემონსტრირებას, რითაც თავს იმშვიდებენ.

"ერთიანმა ნაციონალურმა მოძრაობამ" კიდევ ერთხელ გაუსვა ხაზი, რომ საქართველოს მომავალი ევროკავშირშია. 

"ენმ გმობს ქართული ოცნების ორგანიზებული დაჯგუფების მიერ, კონსტიტუციის და კანონის ფეხქვეშ გათელვით, ქართველი ხალხის აბსოლუტური უმრავლესობის ნების საწინააღმდეგოდ, საქართველოს პარლამენტის შენობასთან აღმართული ევროკავშირის დროშის ჩამოხსნას და დაწვას. ეს არის რუსული ოცნების მიერ კონსტიტუციის დარღვევით ორგანიზებული დანაშაული, რომელიც მიმართულია ქართველი ხალხის ნების წინააღმდეგ.

საქართველოს ადგილი ევროპაშია. საქართველო იქნება ევროპაში !

ჩვენ, ჩვენი იდენტობის, ჩვენი ტრადიციების და ჩვენი მომავლის გადასარჩენად საბოლოოდ გავიმარჯვებთ - საქართველო არ გარუსდება !

რუსული ოცნება პანიკაშია, მათ ვერტიკალში არის რღვევის შეუქცევადი პროცესი და ამ ვითომ ძალის დემონსტრირებით ისინი ცდილობენ საკუთარი თავის დამშვიდებას.

რუსული ოცნების დაჯგუფების მიერ ევროკავშირის ჩამოხსნილ დროშას კვლავ აღმართავს ქართველი ხალხი.

საქართველოს ბატონ-პატრონი არის ქართველი ხალხი.

ძალისა და ლეგიტიმაციის ერთადერთი წყარო არის ქართველი ხალხი.

საქართველო ეკუთვნის ქართველ ხალხს, ადამიანებს რომლის აქტიური პროტესტის შედეგად რუსულმა ოცნებამ უკან წაიღო რუსული კანონი.

ქართველი ხალხი შეასრულებს ისტორიულ მისიას და საქართველო იქნება ევროპის ნაწილი, ერთიანი და მშვიდობიანი!

ძალა ხალხშია, ძალა სიმართლეშია, ძალა ევროპაშია !", - ნათქვამია ენმ-ს განცხადებაში.

ავტორი: ექსპრესნიუსი,

სოციალური ქსელები

ივაჭრე კრიპტოთი თიბისის მობაილბანკში და მიიღე ბიტკოინი ბონუსად

გორდულაძე – ევროპარლამენტმა უსაფუძვლო და თავდასხმაზე ორიენტირებული რეზოლუციები ცხრაჯერ გაისროლა და ცხრაჯერვე ააცილა

ირაკლი ნადირაძე - ივანიშვილის რუსულ, ავტოკრატიულ რეჟიმთან არც საპროცესო შეთანხმებას და არც შეწყალების თხოვნას არათუ არ ვაპირებ, არც კი განვიხილავ

გიორგი შარაშიძე – ქართული ოცნების ლიდერებმა საკუთარ თავს მოჰკითხონ, რატომ დგება დღის წესრიგში მათი დასანქცირების საკითხი