დროებით ოკუპირებული აფხაზეთის  ე.წ. საგარეო საქმეთა მინისტრი ინალ არძინბა თბილისში მიმდინარე საპროტესტო აქციებთან დაკავშირებით, ტელეგრამის საშუალებით განცხადებას ავრცელებს.

არძინბას თქმით, აქციაზე შეკრებილ მოქალაქეებს დირექტივებს აშშ-ის სახელმწიფო დეპარტამენტი და თბილისში შეერთებული შტატების საელჩო აძლევს.

მისი თქმით, უნდა აღინიშნოს არასამთავრობო სექტორის დესტრუქციული როლი აღნიშნული ღონისძიებების მომზადებაში. 

„ძვირფასო თანამემამულენო! აფხაზეთის რესპუბლიკის საგარეო საქმეთა სამინისტრო აკვირდება საქართველოში არსებულ ვითარებას. მიგვაჩნია, რომ ეს არის პოსტსაბჭოთა სივრცეში ხელისუფლების ძალისმიერი მეთოდებით დამხობის კიდევ ერთი მცდელობა.

ე.წ. მშვიდობიანი მომიტინგეები მიმართავენ შემდეგ მეთოდებს: მოლოტოვის კოქტეილებს, ქუჩების დაკეტვას და აგრესიული ქცევის სხვა ფორმებს. ეს ნათლად მიუთითებს იმაზე, რომ მათ დავალება აქვთ მიცემული აშშ-ს სახელმწიფო დეპარტამენტისა და თბილისში აშშ-ს საელჩოს შესაბამისი დეპარტამენტებისგან. ამას გარდა, აღსანიშნავია არასამთავრობო ორგანიზაციების დესტრუქციული როლი ამ ღონისძიებების მომზადებაში.

მინდა ხაზგასმით აღვნიშნო, რომ აფხაზეთის პრეზიდენტი მუდმივად აკვირდება სიტუაციას, არის მუდმივ კონტაქტში აფხაზეთის თავდაცვის სამინისტროს ხელმძღვანელობასთან და სახელმწიფო უსაფრთხოების სამსახურის ხელმძღვანელობასთან.

ჩვენი სახელმწიფო საზღვარი აფხაზური და რუსული სპეცრაზმის საიმედო დაცვის ქვეშაა.
ჩვენ ვვარაუდობთ, რომ ჩვენს რეგიონში უსაფრთხოების სისტემა სტაბილური დარჩება“, - ნათქვამია ინალ არძინბას განცხადებაში. 

ავტორი: ექსპრესნიუსი,

სოციალური ქსელები

ცნობილი ფსიქოთერაპევტ ანატოლი კაშპიროვსკის ცხედარი მოსკოვიდან უკრაინის საზღვრისკენ გადაასვენეს, მას უკრაინაში დაკრძალავდნ

ზახაროვა პრორუსი პროპაგანდისტების სანქცირებას დიდი ბრიტანეთის მხრიდან - ეს არის საშინელი ფარისევლობა ბრიტანეთის ხელისუფლების მხრიდან

საქართველოს ბანკის ბიზნეს მენეჯერი განახლდა — ბიზნესის მართვა კიდევ უფრო მარტივია

ზელენსკიმ და დიდი ბრიტანეთის საგარეო მინისტრმა პრილუკიში რუსული სარაკეტო დარტყმის ადგილი მოინახულეს