2023-03-04 11:30:08, 1597 ნახვა
ომი უკრაინაში
ევროპარლამენტის პრეზიდენტი - კარგია უკრაინაში დაბრუნება, ადამიანებთან, რომლებმაც შთააგონეს მსოფლიო
ევროპარლამენტის პრეზიდენტი რობერტა მეცოლა ოფიციალური ვიზიტით უკრაინაში იმყოფება. ამის შესახებ ინფორმაცია მან სოციალურ ქსელში თავად გაასაჯაროვა.
რობერტა მეცოლას თქმით, უკრაინა უარს ამბობს დანებებაზე და ღირებულებების დასაცავად ყველაფერს აკეთებს, აქედან გამომდინარე მათი ადგილი ევროკავშირშია.
"კარგია უკრაინაში დაბრუნება.
იმ მამაც ადამიანებთან, რომლებმაც შთააგონეს მსოფლიო.
იმ გმირებთან, რომლებიც უარს ამბობენ დანებებაზე.
მათთან, ვინც ყველაფერი შესწირა ჩვენს ღირებულებებს.
ევროპელებთან, რომელთა სახლი ჩვენს ევროკავშირშია“, - წერს მეცოლა.
ავტორი: ექსპრესნიუსი,
epn.ge (@expressnews.ge)
