ე.წ. უცხოური აგენტების კანონი დემოკრატიულ ღირებულებებზე თავდასხმაა, - ამის შესახებ ევროპარლამენტარმა,  მირიამ ლექსმანმა განაცხადა.

ლექსმანი სოციალურ ქსელში, თბილისში განვითარებულ მოვლენებსაც გამოეხმაურა და აღნიშნა, რომ სახელისუფლებო პირების ქცევა სამარცხვინოა.

"სამარცხვინოა, რომ სახელისუფლებო პირები, რომლებიც აცხადებენ, რომ საქართველოს ევროპულ მომავალს უჭერენ მხარს, ასე იქცევიან. ეს ქმედებები ისევე, როგორც ე.წ. უცხოური აგენტების კანონი, არის თავდასხმა დემოკრატიულ ღირებულებებზე", - წერს Twitter-ზე მირიამ ლექსმანი.

ევროპარლამენტი აკრიტიკებს მმართველი პოლიტიკური პარტიის თავმჯდომარესაც და აცხადებს, რომ ირაკლი კობახიძეს "აბსურდულობის განსაკუთრებული ნიჭი აქვს".

"ირაკლი კობახიძეს აბსურდულობის განსაკუთრებული ნიჭი აქვს, მაგრამ მიუხედავად იმისა, რომ ეს ნიჭი შეიძლება დაეხმაროს ოლიგარქს, იყოს ბედნიერი, დამღუპველია საქართველოსთვის", - ამბობს ლექსმანი.

ავტორი: ექსპრესნიუსი,

სოციალური ქსელები

ზელენსკიმ რუბიოს განცხადებას ომში ჩიხის შესახებ უპასუხა

რუბიო: რუსეთსა და უკრაინას შორის კონფლიქტის ჩიხი შესაძლოა რეგიონულ ომში გადაიზარდოს

უკრაინამ ომსკში რუსეთის უდიდეს ნავთობგადამამუშავებელ ქარხანას დაარტყა

მოსკოვთან ახლოს დრონით თავდასხმის შედეგად მამაკაცი დაიღუპა - აეროპორტებში რეისების მასშტაბური გაუქმება ხდება