რუსმა ოკუპანტებმა უკრაინის დროებით ოკუპირებულ ტერიტორიებზე წამების სულ მცირე 20 ქსელი შექმნეს. აღნიშნულ ინფორმაციას CNN ავრცელებს.

როგორც მედიასაშუალება უკრაინელ და საერთაშორისო იურისტებზე დაყრდნობით იტყობინება, წამების ქსელი რუსული სტრატეგიის ნაწილია და მიზნად უკრაინული იდენტობის განადგურებას ისახავს.

„დაკავების ცენტრები ერთმანეთთან არის დაკავშირებული. ისინი ქცევის იდენტურ გზას მიჰყვებიან“, - უთხრა საერთაშორისო გამომძიებლების მობილური გუნდის თანამშრომლების ხელმძღვანელმა,  ვეინ ჯორდაშმა CNN-ს.

ჯორდაშის თქმით, რუსეთი მიჰყვება წამების კონკრეტულ გეგმას, რომელიც სამი ეტაპისგან შედგება.

”პირველი ეტაპი, ფაქტობრივად, არის დაკავება და ხშირ შემთხვევაში, იმ ადამიანთა მოკვლა, რომლებიც ”ლიდერებად ” მიიჩნევიან.

მეორე ეტაპი არის ერთგვარი ფილტრაციის პროცესი. მოსახლეობა, რომელიც პატიმრობის ცენტრების მიღმა რჩება, ან ნებისმიერი სახის წინააღმდეგობის ორგანიზებაში შეიძლება იყოს ჩართული, მუდმივ მონიტორინგს და ფილტრაციას ექვემდებარება. იდენტიფიცირების შემდეგ, აგზავნიან რუსეთში ან  დაკავების ცენტრებში ტოვებენ და აწამებენ. 

მესამე ეტაპი უკრაინული იდენტობის განადგურებაა", - ამბობს ჯორდაში.

მისი განმარტებით, აღნიშნული მეთოდები გამოიყენებოდა რუსეთის მიერ დროებით ოკუპირებულ რეგიონებში - ბუჩაში, ბოროდიანკაში, თუმცა ხანგრძილივი ოკუპაციიდან გამომდინარე, რუსები "ყველაზე შორს" ხერსონში წავიდნენ.

ავტორი: ექსპრესნიუსი,

სოციალური ქსელები

მოსკოვის აეროპორტებში 30-ზე მეტი რეისი ვერ დაეშვა

კიევის რეგიონში რუსული თავდასხმის შედეგად დედა და ორი მცირეწლოვანი ბავშვი დაიღუპა, ხოლო კიდევ ერთი დედა-შვილი დაიჭრა

დრონებმა მოსკოვსა და მიმდებარე რეგიონზე მასშტაბური თავდასხმა განახორციელეს, რამაც საწყობებსა და ნავთობგადამამუშავებელ ქარხნებში ხანძარი გამოიწვია

ტრამპმა მოულოდნელად დაასრულა კემპ დევიდში საარჩევნო კამპანია, ახლო აღმოსავლეთში დაძაბულობის ესკალაციის ფონზე.