ყველა დეპუტატი მამაკაცი გაიყვანეს "ქართული ოცნების" ზონდერებმა, ძირითადად დავრჩით აქ ქალები, თუმცა ქალებზეც ძალადობენ, - ამის შესახებ ფრაქცია "ლელოს" წევრმა, სალომე სამადაშვილმა განაცხადა.

მისივე თქმით, მას "ქართული ოცნების" წარმომადგენელმა ხელი ჰკრა და პარლამენტის წევრ ანა ნაცვლიშვილს თავზე წყალი გადაასხეს, ის ამ სიტუაციას აფასებს, როგორც ველურ რუსულ ურდოს.

"ყველა დეპუტატი მამაკაცი გაიყვანეს "ქართული ოცნების" ზონდერებმა, ძირითადად დავრჩით აქ ქალები, თუმცა ქალებზეც ძალადობენ, "ქართული ოცნების" წარმომადგენელმა ხელი მკრა, ანა ნაცვლიშვილს წყალი გადაასხეს, ეს არის ველური რუსული ურდოს წარმომადგენელი ხალხი", - განაცხადა სამადაშვილმა.

შეგახსენებთ, დღეს პარლამენტში, საგარეო ურთიერთობათა და თავდაცვის კომიტეტების გაერთიანებულ სხდომაზე „უცხოური აგენტების შესახებ“ კანონპროექტის განხილვაა დაგეგმილი. 

ადგილზე შეკრებილი არიან არასამთავრობო სექტორისა და მედიის წარმომადგენლები, რომლებმაც საკანონმდებლო ორგანოში "ქართული ოცნების" და "ხალხის ძალის" წევრები შეძახილებით შეაცილეს. 

ადგილზე შეკრებილები საკომიტეტო სხდომათა დარბაზში შესვლას ითხოვდნენ, თუმცა მმართველმა პარტიამ ორი კომიტეტის გაერთიანებულ სხდომაზე მხოლოდ მათი მომხრეები დაუშვა. აღსანიშნავია, რომ კანონპროექტის განხილვა ამ დრომდე არ დაწყებულა. 

ავტორი: ექსპრესნიუსი,

სოციალური ქსელები

ზელენსკიმ რუბიოს განცხადებას ომში ჩიხის შესახებ უპასუხა

რუბიო: რუსეთსა და უკრაინას შორის კონფლიქტის ჩიხი შესაძლოა რეგიონულ ომში გადაიზარდოს

უკრაინამ ომსკში რუსეთის უდიდეს ნავთობგადამამუშავებელ ქარხანას დაარტყა

მოსკოვთან ახლოს დრონით თავდასხმის შედეგად მამაკაცი დაიღუპა - აეროპორტებში რეისების მასშტაბური გაუქმება ხდება