თბილისში, პარლამენტის მიმდებარე ტერიტორიაზე უკრაინაში რუსეთის სრულმასშტაბიანი შეჭრის წლისთავთან დაკავშირებით სოლიდარობის აქცია, სახელად - „ეს არის საქართველო - დიდება გმირებს“, დასრულდა.

აქციის ბოლოს შესრულდა საქართველოსა და უკრაინის სახელმწიფო ჰიმნები. აქციის მონაწილეების მთავარი გზავნილი  იყო, დაანახონ ომში მყოფ ქვეყანას საქართველოს ხალხის მხარდაჭერა და ხაზი გაუსვან, რომ ქვეყანა ევროკავშირისკენ მიმავალ გზას ირჩევს. 

მანამდე მეტროსადგურ "რუსთაველიდან" პარლამენტის შენობისკენ მსვლელობას უკრაინელმა ლტოლვილებმა მოაწყვეს. მსვლელობის მონაწილეები საკანონმდებლო ორგანოს წინ დაგეგმილ უკრაინის სოლიდარობის აქციას შეუერთდნენ.

აქციის მონაწილეებს სხვადასხვა პოლიტიკოსებმა და აქტივისტებმა მიმართეს, მათ შორის იყო კიევის მერი ვიტალი კლიჩკო.  კლიჩკოს თქმით, საქართველო და უკრაინაც წარმატებით გადალახავს დასავლეთისკენ მიმავალ გზას და გახდებიან ევროკავშირის წევრები. 

წალენჯიხის მერმა თბილისში, რუსთაველის გამზირზე მიმდინარე უკრაინის სოლიდარობის აქციაზე საქართველოს მესამე პრეზიდენტის, მიხეილ სააკაშვილის მიმართვა წაიკითხა. 

მიხეილ სააკაშვილის თქმით, მოვლენები გაცილებით სწრაფად განვითარდება, ვიდრე ბევრს წარმოუდგენია და ეს სამარცხვინო პერიოდი საქართველოსთვის საბოლოოდ ჩაბარდება ისტორიას. 

ავტორი: ექსპრესნიუსი,

სოციალური ქსელები

ზელენსკიმ რუბიოს განცხადებას ომში ჩიხის შესახებ უპასუხა

რუბიო: რუსეთსა და უკრაინას შორის კონფლიქტის ჩიხი შესაძლოა რეგიონულ ომში გადაიზარდოს

უკრაინამ ომსკში რუსეთის უდიდეს ნავთობგადამამუშავებელ ქარხანას დაარტყა

მოსკოვთან ახლოს დრონით თავდასხმის შედეგად მამაკაცი დაიღუპა - აეროპორტებში რეისების მასშტაბური გაუქმება ხდება