თამარ ტალიაშვილი უკრაინაში მიმდინარე ომის წლისთავთან დაკავშირებით  გამართულ ევროპის საბჭოს მინისტრთა კომიტეტის  საგანგებო სხდომაზე სიტყვით გამოვიდა.

ევროპის საბჭოში საქართველოს ელჩმა, მუდმივმა წარმომადგენელმა თამარ ტალიაშვილმა თავის გამოსვლაში კიდევ ერთხელ დაადასტურა საქართველოს ურყევი მხარდაჭერა უკრაინის დამოუკიდებლობის, სუვერენიტეტისა და ტერიტორიული მთლიანობისადმი.

თამარ ტალიაშვილმა ასევე გამოხატა საქართველოს ევროპის საბჭოს ღირებულებებისადმი  ერთგულება და მისწრაფება მშვიდობისკენ, რომელიც ეფუძნება სამართლიანობას, საერთაშორისო თანამშრომლობას, რომელიც სასიცოცხლო მნიშვნელობისაა კაცობრიობისა და ცივილიზაციისთვის. მან ასევე ხაზი გაუსვა საერთაშორისო მხარდაჭერის მნიშვნელობას საქართველოს დეოკუპაციის პროცესში.

მინისტრთა კომიტეტის სხდომას  ევროპის საბჭოს პრეზიდენტი ქვეყნის,  ისლანდიის საგარეო საქმეთა მინისტრი სორდის კოლბრუნგილვადოთირი თავმჯდომარეობდა.

ისლანდიის საგარეო საქმეთა მინისტრმა თავის გამოსვლაში ასევე აღნიშნა საქართველოს წინააღმდეგ რუსეთის მიერ 2008 წელს განხორციელებული სამხედრო თავდასხმა და მაშინ საერთაშორისო საზოგადოების არასათანადო რეაგირება, რაც რუსეთის აგრესიის შემდგომი გაგრძელების წინაპირობა გახდა. 

სტრასბურგში მინისტრთა კომიტეტის საგანგებო სხდომა მიეძღვნა უკრაინაში მიმდინარე ომის წლისთავს. მინისტრთა კომიტეტმა მიიღო საგანგებო გადაწყვეტილება უკრაინაში ომის წლისთავთან დაკავშირებით. საქართველო ასევე უკრაინაში მიმდინარე ომის წლისთავთან დაკავშირებით ევროკავშირის მიერ გაკეთებულ განცხადებას მიუერთდა.

ავტორი: NS (სტატია დაფინანსებულია),

სოციალური ქსელები

ზელენსკიმ რუბიოს განცხადებას ომში ჩიხის შესახებ უპასუხა

რუბიო: რუსეთსა და უკრაინას შორის კონფლიქტის ჩიხი შესაძლოა რეგიონულ ომში გადაიზარდოს

უკრაინამ ომსკში რუსეთის უდიდეს ნავთობგადამამუშავებელ ქარხანას დაარტყა

მოსკოვთან ახლოს დრონით თავდასხმის შედეგად მამაკაცი დაიღუპა - აეროპორტებში რეისების მასშტაბური გაუქმება ხდება