ყველა ევროპელი ლიდერი ამბობს ღიად, რომ უკრაინა, მოლდოვა და მოგვიანებით საქართველო იქნებიან ევროკავშირის წევრები და პროცესი ღიაა, - ამის შესახებ საგარეო და უსაფრთხოების საკითხებში ევროკავშირის უმაღლესმა წარმომადგენელმა, ჯოზეფ ბორელმა განაცხადა.

მისი თქმით, ყველა თანხმდება, რომ ევროკავშირი გაფართოებისთვის მზად არის, თუმცა კავშირში წევრობა დამოკიდებულია იმ მოთხოვნების შესრულებაზე, რომლებიც ქვეყანას აქვს წარდგენილი.

„არ ვიცი, რა არის სადებატო გაფართოებაზე. ვემზადებოდი უსაფრთხოების არქიტექტურაზე, გეოპოლიტიკურ ევროპაზე სასაუბროდ, როგორ გავუმკლავდეთ ომს, მაგრამ არ ვიცი, რა უნდა ვთქვა გაფართოებაზე იმაზე მეტი, რაც ევროპელმა ლიდერებმა, უმაღლესი თანამდებობის პირებმა უკვე თქვეს - ევროკომისიის პრეზიდენტმა, ევროკავშირის საბჭოს პრეზიდენტმა, წევრი ქვეყნების ლიდერებმა. მათ მკაფიოდ თქვეს, რომ ჩართულები არიან, ევროსტრუქტურებმა პროცედურები შეძლებისდაგვარად სწრაფად გიარეს, მაგრამ პროცედურები არსად წასულა. წარმოუდგენელია დახმარება პროცედურების გავლის გარეშე, წესები ადგილზეა და ის უნდა შესრულდეს. მე არ ვარ სპეციალისტი გაფართოების წესებსა და გზების საკითხებში, მაგრამ ყველა ევროპელი ლიდერი ამბობს ღიად და განმეორებით, რომ უკრაინა, მოლდოვა და მოგვიანებით საქართველო იქნებიან ევროკავშირის წევრები და რომ პროცესი ღიაა. მოლოდინი არ გვაქვს, რომ ყველაფერი ერთ ღამეში მოხდება, ეს დამოკიდებულია მოთხოვნების შესრულებაზე“, - განაცხადა საზოგადოებრივი მაუწყებლის ცნობით ჯოზეფ ბორელმა. 

ავტორი: ექსპრესნიუსი,

სოციალური ქსელები

რეინვესტიციების გამორიცხვით, მიმდინარე ანგარიშის ბალანსი კვლავ დადებითი რჩება, თუმცა სახეზეა გარკვეული შენელება - TBC Capital

მთავრობა ტრანსპორტის ხმაურის ზღვრის 85-დან 100 დეციბალამდე აწევას განიხილავს

თიბისის მხარდაჭერით ქუთაისის საერთაშორისო მოკლემეტრაჟიანი ფილმების ფესტივალი გაიმართება

ნაკლები ხარჯი თითო კილომეტრზე - „თეგეტამ“ Bridgestone-ის ფასი კილომეტრზე (PPK) მოდელი და იაპონური UD Trucks წარადგინა