ანტიდასავლური მოძრაობის "ხალხის ძალის" ერთ-ერთი ლიდერი, დიმიტრი ხუნდაძე პრორუსულ რიტორიკას იმეორებს და ამბობს, რომ უკრაინაში ომი დასავლეთსა და რუსეთს შორის მიმდინარეობს. 

ხუნდაძემ ასევე დასძინა,რომ უკრაინა ბრძოლის ველზე უფრო მეტ ზიანს იღებს, ვიდრე რუსეთი, რაც მისივე თქმით, უკრაინის ხელისუფლების დაბალ პოლიტიკურ ხარისხზე მიუთითებს. 

"დასავლეთი და რუსეთი არის ღია დაპირისპირებაში და ბრძოლის ველი არის შერჩეული უკრაინაზე.  აქ კი, გამარჯვებულის და დამარცხებულის ლოდინში, უკრაინა კიდევ უფრო მეტ ზიანს მიიღებს, მაგრამ ზიანი უკრაინამ უკვე მიიღო. ვფიქრობ, პოლიტიკოსისთვის მისი პოლიტიკური ხარისხი არის მაღალი და სახელმწიფოსთვის მისაღები, მაშინ როდესაც ის ქვეყანას ააცილებს ომს და არ ჩართავს საკუთარ ხალხს ამ ბრძოლაში",- განაცხადა ხუნდაძემ. 

აღსანიშნავია, რომ მსგავსი განცხადებები ხშირია ოკუპანტი ქვეყნის წარმომადგენლების მხრიდან. რუსეთის საგარეო საქმეთა მინისტრის, სერგეი ლავროვის თქმით - "ის, რაც უკრაინაში ხდება, უკვე აღარ არის ჰიბრიდული ომი, არამედ ეს არის ნამდვილი ომი დასავლეთსა და რუსეთს შორის". 

ავტორი: ექსპრესნიუსი,

სოციალური ქსელები

ბაქოს შემდეგ, ურსულა ფონ დერ ლაიენი ერევანში სამუშაო ვიზიტით ჩავიდა

ერთიანი ეროვნული გამოცდები დაიწყო, გამოცდა ქართული ენისა და ლიტერატურაში ტარდება

ნეთანიაჰუ: ისრაელი წელს აშშ-ს ფინანსურ დახმარებაზე უარს იტყვის

კიევში რუსეთის მასშტაბური საჰაერო დარტყმის შედეგად მრავალსართულიანი შენობები ჩამოინგრა, ათი ადამიანი დაიღუპა და 50-ზე მეტი დაშავდა