საქართველოს რომ დაეწესებინა სანქციები, ვერანაირ ზიანს ვერ მივაყენებდით რუსეთს, მხოლოდ საქართველოს დავაზიანებდით, - ამის შესახებ პარლამენტის თავმჯდომარემ, შალვა პაპუაშვილმა განაცხადა.

როგორც პაპუაშვილმა მედიის წარმომადგენლებთან საუბრისას აღნიშნა, ქვეყანა იცავს საერთაშორისო სანქციებს და არავის აძლევს საშუალებას, რომ საქართველოს მეშვეობით, მათ გვერდი აუაროს. 

"გავიდა ერთი წელი. სანქციების ტალღებიც ვნახეთ. ვნახეთ ისიც, რომ საქართველო ამ საკითხში არის პატიოსანი იმისთვის, რომ არ დაუშვას გვერდის ავლა დაწესებული სანქციებისა. ამავე დროს, ვნახეთ ხალხი, მნიშვნელობა არ აქვს ქართული პოლიტიკის წარმომადგენლები არიან თუ არა, რომელიც მოუწოდებდა საქართველოს და ზოგიერთი დღემდე მოუწოდებს, რომ დავაწესოთო სანქციები. დღეს, ეს უკვე ეკონომიკურადაც დათვლილია - საქართველოს რომ დაეწესებინა სანქციები, 10%-იანი ეკონომიკური ვარდნა გვექნებოდა. რა მნიშვნელობა ექნებოდა ამას ქართული ბიზნესისა და ხალხისთვის, ეს ცხადია. ეს ნიშნავს, ბიზნესის დახურვას, მოსახლეობის მეტად გაღარიბებას. ამას ააცილა ქვეყანა "ქართულმა ოცნებამ" და ჩვენმა ხელისუფლებამ იმით, რომ თავდაპირველადვე ჩვენ საკმაოდ რაციონალური პოზიცია დავიკავეთ. ორმხრივი სანქციები ანუ ის, რომ საქართველოს დაეწესებინა სანქციები, ჩვენ ვერანაირ ზიანს ვერ მივაყენებდით რუსეთს და დავაზიანებდით მხოლოდ საქართველოს. ჩვენ, ამავე დროს, პატიოსნად ვიცავთ საერთაშორისო სანქციებს და არ ვაძლევთ არავის საშუალებას, რომ მას გვერდი აუაროს საქართველოს მეშვეობით. რაც შეეხება სხვა ქვეყნებს, ყველა წონის, რომ რუსეთის მიმართ პოზიცია იყოს მკაცრი, მყარი და მეორე მხრივ, არც ერთი სახელმწიფო არ კვეთს იმ წითელ ზღვარს, სადაც ის უფრო მეტად დაზიანდება, ვიდრე ზიანს მიაყენებს რუსეთს. ზუსტად ისეთივე განსჯა აქვთ მათ, როგორც საქართველოს, რომ არ კვეთენ წითელ ხაზს", - განაცხადა შალვა პაპუაშვილმა. 

ავტორი: ექსპრესნიუსი,

სოციალური ქსელები

თიბისის მხარდაჭერით ქუთაისის საერთაშორისო მოკლემეტრაჟიანი ფილმების ფესტივალი გაიმართება

ნაკლები ხარჯი თითო კილომეტრზე - „თეგეტამ“ Bridgestone-ის ფასი კილომეტრზე (PPK) მოდელი და იაპონური UD Trucks წარადგინა

კობახიძე პაატა ბურჭულაძის შვილის განცხადებაზე - ასეთი შვილი ძალიან მძიმე რამეა

კახა კალაძე ხმაურის რეგულაციებზე: გადაწყვეტილება უნდა იყოს ოპტიმალური - ავტო-მოტომოყვარულებიც კმაყოფილი დარჩნენ და მოსახლეობაც არ შეწუხდეს