პატარა ოხუნჯობა იყო და უნდა ვაპატიოთ, ალბათ, - ასე ეხმაურება "ქართული ოცნების" თავმჯდომარე ირაკლი კობახიძე დისკრეციული უფლების გამოყენებასთან დაკავშირებით საქართველოს პრეზიდენტის ადმინისტრაციის განცხადებას.

როგორც მმართველი პარტიის თავმჯდომარე ამბობს, პარლამენტის მიერ მიღებულ გადაწყვეტილებებთან დაკავშირებით, პრეზიდენტსაც აქვს ხოლმე "მძიმე რეაქცია", თუმცა "ეს მუქარა არ არის".

"მძიმედ აფასებს ხოლმე თვითონ პარლამენტის ექსკლუზიურ გადაწყვეტილებებს და არასდროს არავის ეს მუქარად არ აღუქვამს. მასაც აქვს მძიმე რეაქცია, ჩვენც გვაქვს მძიმე რეაქცია რაღაცებზე", - უთხრა კობახიძემ "ტვ პირველს". 

შეგახსენებთ, გუშინ 7 თებერვალს საქართველოს პრეზიდენტის ადმინისტრაციამ პრეზიდენტის დისკრეციულ უფლების შესახებ ირაკლი კობახიძის განცხადებას განცხადებითვე უპასუხა.

"საქართველოს პრეზიდენტის ადმინისტრაციას სურს გამოეხმაუროს პარტია ,,ქართული ოცნების” თავმჯდომარის, ბატონ ირაკლი კობახიძის პრეზიდენტის დისკრეციულ უფლების შესახებ განცხადებას. მიგვაჩნია, რომ ,,ქართული ოცნების“ ,,სიის მესამე ნომერმა, თბილისის სახელმწიფო უნივერსიტეტისა და დუსელდორფის სამართლის მაგისტრმა, დუსელდორფის უნივერსიტეტის სამართლის დოქტორმა, თბილისის სახელმწიფო უნივერსიტეტის პროფესორმა, ევროპის საბჭოს საპარლამენტო ასამბლეის (ყოფილმა) ვიცე-პრეზიდენტმა, აქ შევჩერდებით, ბევრს არ გავაგრძელებთ", ბატონმა ირაკლი კობახიძემ კარგად უნდა იცოდეს, რომ  დემოკრატიულ ქვეყანაში პრეზიდენტის მიერ დისკრეციულ კონსტიტუციურ უფლებამოსილების გამოყენებაზე მუქარა დაუშვებელია!" - ნათქვამია პრეზიდენტის ადმინისტრაციის განცხადებაში.

ავტორი: ექსპრესნიუსი,

სოციალური ქსელები

თიბისის მხარდაჭერით ქუთაისის საერთაშორისო მოკლემეტრაჟიანი ფილმების ფესტივალი გაიმართება

ნაკლები ხარჯი თითო კილომეტრზე - „თეგეტამ“ Bridgestone-ის ფასი კილომეტრზე (PPK) მოდელი და იაპონური UD Trucks წარადგინა

კობახიძე პაატა ბურჭულაძის შვილის განცხადებაზე - ასეთი შვილი ძალიან მძიმე რამეა

კახა კალაძე ხმაურის რეგულაციებზე: გადაწყვეტილება უნდა იყოს ოპტიმალური - ავტო-მოტომოყვარულებიც კმაყოფილი დარჩნენ და მოსახლეობაც არ შეწუხდეს