რადიკალურმა ოპოზიციამ სხვა ოპოზიციური ჯგუფები, რომელთაც სწადიათ ემსახურონ ქვეყანას, გადაჯეგა, არ დაუტოვა სივრცე, - ამის შესახებ, პარლამენტის ვიცე-სპიკერმა, გია ვოლსკიმ „ქრონიკის“ პირდაპირ ეთერში განაცხადა.

მისივე თქმით, გულდასაწყვეტია, როდესაც თანამოქალაქე გააფთრებულად ვითომ უპირისპირდება ხელისუფლებას და სრული საბოტაჟის რეჟიმშია პარლამენტთან, სადაც ის კანონები მტკიცდება, რომლითაც ქვეყანა ცხოვრობს.

„ზოგადად, ვინც არ უნდა იყოს, რა პოლიტიკური ბექგრაუნდის, ისტორიის, ბიოგრაფიის ადამიანიც არ უნდა იყოს, გულდასაწყვეტია, რომ შენი თანამოქალაქე ასე გააფთრებული, დაპირისპირებულია ვითომ ხელისუფლებასთან და სახელისუფლებო პარტიასთან, მაგრამ, ზოგადად - საქართველოს ინტერესებთან, იმ იმედით, რომ შეიძლება შეიცვალოს რაღაც, ამღვრეულ წყალში წარმატება მოიპოვონ, მოვიდნენ და გარკვეულ მიზნებს მოემსახურონ, რომელიც აბსოლუტურად არ არის ქართველი ხალხის ინტერესში. გლობალური სურათი მიუთითებს იმაზე, რომ ოპოზიციური ფლანგი ვერ შედგა, რადიკალურმა ოპოზიციამ სხვა ოპოზიციური ჯგუფები, რომელთაც სწადიათ ემსახურონ ქვეყანას, გადაჯეგა, არ დაუტოვა სივრცე. მეორეს მხრივ, ოპოზიცია სრულ საბოტაჟის რეჟიმშია პარლამენტთან, სადაც ის კანონები კეთდება, რომლითაც ქვეყანა ცხოვრობს“,- განაცხადა ვოლსკიმ.

ავტორი: ექსპრესნიუსი,

სოციალური ქსელები

ლილოს ნაგავსაყრელის გატანაზე კვლევები ტარდება

რეინვესტიციების გამორიცხვით, მიმდინარე ანგარიშის ბალანსი კვლავ დადებითი რჩება, თუმცა სახეზეა გარკვეული შენელება - TBC Capital

მთავრობა ტრანსპორტის ხმაურის ზღვრის 85-დან 100 დეციბალამდე აწევას განიხილავს

თიბისის მხარდაჭერით ქუთაისის საერთაშორისო მოკლემეტრაჟიანი ფილმების ფესტივალი გაიმართება