მე რომ კაცმა მკითხოს - მუშაობა ეზარება ზოგ-ზოგიერთს და ამას ბოიკოტს ეძახის, - ასე ეხმაურება პარტია "მოქალაქეების" ლიდერი ალეკო ელისაშვილი საპარლამენტო საქმიანობის ბოიკოტის შესახებ ოპოზიციის ნაწილის გადაწყვეტილებას.

როგორც ელისაშვილმა პარლამენტის პლენარული სხდომის საგაზაფხულო სესიაზე სიტყვით გამოსვლისას განაცხადა, "ხელფასს იღებ, არ დადიხარ - გადასარევი სამსახურია პარლამენტი".

"ოპოზიციის ნაწილი კვლავ სეზონურ ბოიკოტშია. გაუგონარ და ჩემთვის აუხსნელ ძალისხმევას მიმართავენ ხოლმე. მე რომ კაცმა მკითხოს - მუშაობა ეზარება ზოგ-ზოგიერთს და ამას ბოიკოტს ეძახის. ხელფასს იღებ, არ დადიხარ - გადასარევი სამსახურია ამ მხრივ პარლამენტი და არქმევ ბოიკოტს - მიდი-მოვდივარ, იყავი სახლში, უყურე ტელევიზორს იქიდან", - ამბობს ალეკო ელისაშვილი.

შეგახსენებთ, რომ ფრაქცია „ერთიანი ნაციონალური მოძრაობა" საპარლამენტო საქმიანობას წყვეტს. ცოტა ხნის წინ გამართულ საგანგებო ბრიფინგზე პარტიის პოლიტიკური საბჭოს თავმჯდომარემ, ლევან ბეჟაშვილმა განაცხადა, რომ პარტია მანდატების დატოვების საკითხზე კონსულტაციების გამართვასაც გეგმავს. დღესვე, საპარლამენტო საქმიანობას ბოიკოტი "სტრატეგია აღმაშენებელმაც" გამოუცხადა.

ავტორი: ექსპრესნიუსი,

სოციალური ქსელები

ლილოს ნაგავსაყრელის გატანაზე კვლევები ტარდება

რეინვესტიციების გამორიცხვით, მიმდინარე ანგარიშის ბალანსი კვლავ დადებითი რჩება, თუმცა სახეზეა გარკვეული შენელება - TBC Capital

მთავრობა ტრანსპორტის ხმაურის ზღვრის 85-დან 100 დეციბალამდე აწევას განიხილავს

თიბისის მხარდაჭერით ქუთაისის საერთაშორისო მოკლემეტრაჟიანი ფილმების ფესტივალი გაიმართება