2023-02-01 18:12:05, 1137 ნახვა
სამართალი
მოსამართლე გიორგი არევაძემ ცენტრ „ემპათიის“ ხელმძღვანელი მარიამ ჯიშკარიანი სასამართლო დარბაზიდან გააძევა
მოსამართლე გიორგი არევაძემ ცენტრ „ემპათიის“ ხელმძღვანელი მარიამ ჯიშკარიანი სასამართლო დარბაზიდან გააძევა.
გიორგი არევაძის განმარტებით, მარიამ ჯიშკარიანი მოწმეს, რომელიც იმ წუთებში დარბაზში იკითხებოდა, SMS-შეტყობინებებით პასუხების სახით კარნახობდა თუ რა ეპასუხა მხარეების მიერ დასმულ შეკითხვებზე.
"ქალბატონო მარიამ გაძევებული ხართ სხდომის დარბაზიდან, წესრიგის დარღვევის გამო და კიდევ იმის გამო, რომ თქვენ უკვე დაკითხული შემოხვედით და სხვა ექსპერტს კარნახობთ თუ რა უპასუხოს მხარეების შეკითხვებს, ეს კიდევ უფრო ცუდი საქციელია ვიდრე წესრიგის დარღვევა", - განაცხადა გიორგი არევაძემ.
ავტორი: ექსპრესნიუსი,
epn.ge (@expressnews.ge)
