მხარდამჭერებმა ცხადად დაინახეს საფრთხე - რომ თუ არ იაქტიურებენ ამ პარტიის მართვაც ზუსტად იმავე სტილში მოხდება, როგორც იმართება ეს ქვეყანა - არაფორმალურ მმართველის მიერ, - განაცხადა "ნაციონალური მოძრაობის" მოქმედმა თავმჯდომარემ, ნიკა მელიამ.

მისივე თქმით, პარტია უნდა იმართებოდეს ხალხის რჩეულის მიერ და არა მათ მიერ, ვინც კულისებშია და გავლენა ფულის გამო აქვთ. მან დასძინა, რომ არჩევნები შეიძლება ორი შედეგით დასრულდეს, ან პარტია გაძლიერდება და გაიზრდება ნდობა მის მიმართ, ან საბოლოოდ გადავა სულის ღაფვის რეჟიმში.

"რეგისტრაციის ვადა ამოიწურა. დარეგისტრირდა 49 447 ამომრჩეველი.

რამ განაპირობა საზოგადოების ასეთი მძაფრი ინტერესი და აქტიურობა?

ამომრჩევლებმა, მხარდამჭერებმა ცხადად დაინახეს საფრთხე - რომ თუ არ იაქტიურებენ ამ პარტიის მართვაც ზუსტად იმავე სტილში მოხდება, როგორც იმართება ეს ქვეყანა - არაფორმალურ მმართველის მიერ.

ხალხს უნდა რომ არაფორმალური გავლენებისგან დაიცვას და გადაარჩინოს პარტია!

ხალხს უნდა რომ პარტიაზე გავლენა ჰქონდეს ხალხს და არა ფულს. ხალხს უნდა რომ პარტია იმართებოდეს მათი რჩეულის მიერ და არა მათ მიერ, ვინც კულისებშია. ხალხს უნდა რომ პროცესები მიჰყავდეთ ლიდერებს და არა რუხი კარდინალების წარმომადგენლებს.

ფარული კენჭისყრა 28 იანვარს დაიწყება და 30 იანვარს 10 საათზე დასრულდება.

ეს არჩევნები ღირებულებითი არჩევნებია. ეს არჩევნები შეიძლება დასრულდეს ორი შედეგით.

ან პარტია არათუ გადარჩება, მნიშვნელოვნად გაძლიერდება - გაიზრდება როგორც მხარდამჭერთა რაოდენობა, ისე ნდობა მის მიმართ, ან საბოლოოდ დაკარგავს ამ შანსს და გადავა სულის ღაფვის რეჟიმში.

კენჭისყრა იქნება ფარული. ვერავინ ვერ გაიგებს ვინ ვის მისცა ხმა და იმედია დამარცხებული აღიარებს არჩევნების შედეგებს და მიულოცავს გამარჯვებულს.

აუცილებლად გავიმარჯვებთ ღირსებით და სიმართლით!", - წერს მელია. 

ავტორი: ექსპრესნიუსი,

სოციალური ქსელები

საქართველოს ბანკის და კომაროვის STEM სკოლაში 1 500-ზე მეტი მოსწავლე დარეგისტრირდა - აღმოაჩინე მოსწავლეებისთვის შექმნილი შესაძლებლობები

ტრამპის ადმინისტრაციამ საერთაშორისო სისხლის სამართლის სასამართლოს (ICC) სანქციები დაუწესა

რადიო თავისუფლება- ეროვნულმა ბანკმა ნახევარი მილიარდი ლარით დააჯარიმა კრიპტოკომპანია, რომელსაც ეროვნული ბანკის საბჭოს წევრი ნანა ყეინიშვილი წილს სთხოვდა

შეიძინეთ RKENA-ს ბილეთები საქართველოს ბანკის ნებისმიერი ბარათით და ისარგებლეთ 20%იანი ფასდაკლებით