უკრაინამ ევროკავშირის 18 მილიარდი ევროს მაკროფინანსური პროგრამიდან 3 მილიარდი ევრო უკვე  მიიღო. ამის შესახებ ინფორმაციას უკრაინის პრეზიდენტი ვოლოდიმირ ზელენსკი ავრცელებს. 

უკრაინის სახელმწიფო მეთაურმა მადლობა გადაუხადა ევროკომისიის პრეზიდენტს და დასძინა, რომ უკრაინის ფინანსური სტაბილურობა გამარჯვებისთვის აუცილებელია. 

"უკრაინამ 18 მილიარდი ევროს მაკროფინანსური პროგრამიდან 3 მილიარდი ევრო მიიღო. მადლობელი ვარ ევროკავშირისა და პრეზიდენტი ურსულა ფონ დერ ლაიენის ძლიერი მხარდაჭერისთვის. უკრაინის ფინანსური სტაბილურობის შენარჩუნება სასიცოცხლოდ მნიშვნელოვანია აგრესორზე ერთობლივი გამარჯვებისთვის",- წერს ზელენსკი Twitter-ზე. 

ცნობისთვის, 2022 წლის ნოემბრის დასაწყისში ევროკავშირმა გამოთქვა სურვილი, რომ უკრაინისთვის 18 მილიარდ ევრომდე დახმარება გამოეყო. 

6 დეკემბერს ცნობილი გახდა, რომ უნგრეთი უკრაინისთვის მაკროფინანსური დახმარების პაკეტის გამოყოფას ბლოკავდა. ამიტომაც, ბრიუსელმა „გეგმა B“-ის მომზადება დაიწყო, რათა უკრაინას,  უნგრეთის თანხმობის გარეშე, ამ თანხების მიღება მაინც შესძლებოდა. დიპლომატები ასევე შეთანხმდნენ უნგრეთისთვის გამოყოფილი ევროკავშირის ბიუჯეტის 6,3 მილიარდი ევროს შეჩერებაზე. 

მოგვიანებით, უნგრეთის ხელისუფლებამ მიიღო გადაწყვეტილება, რომ უკრაინისთვის 18 მილიარდი ევროს დახმარებისთვის ვეტო მოეხსნა. 

2022 წლის 13 დეკემბერს, ევროკავშირის 27-ვე ქვეყანამ  მხარი დაუჭირა უკრაინის დახმარების გაწევას 18 მილიარდი ევროს ოდენობით. 

ავტორი: ექსპრესნიუსი,

სოციალური ქსელები

საქართველოს მხარეზე მებრძოლი UNA-UNSO-ს დამფუძნებელი, მიკოლა კარპიუკი ოკუპანტებთან ბრძოლაში დაიძღუპა

არჩევნები ბერლინი და მეკლენბურგ-წინა პომერანიაში: AfD ლიდერობს, თუმცა მთავრობას ვერსად ჩამოაყალიბებს

ჰუსიტებმა პირველად შეუტიეს საუდის არაბეთის დედაქალაქს

მოსკოვში „გაზპრომ ნეფტის“ ბენზინგასამართ სადგურებზე დრონით თავდასხმის შემდეგ, ბენზინი გაქრა