უკრაინაში ომის დაწყების შემდეგ 7 031 მშვიდობიანი მოქალაქე დაიღუპა,- აღნიშნულის შესახებ ინფორმაციას გაეროს ადამიანის უფლებათა უმაღლესი კომისრის ოფისი (OHCHR) ავრცელებს.

როგორც გაეროს უფლებათა ოფიში აცხადებენ, დაღუპულთა რეალური რიცხვი გაცილებით მაღალია, რადგან ინფორმაცია ზოგიერთ ადგილას, სადაც ინტენსიური ბრძოლები გრძელდება, დაგვიანებულია და ბევრი ცნობა ჯერ კიდევ საჭიროებს დადასტურებას.

"დაფიქსირებული სამოქალაქო მსხვერპლის უმეტესობა გამოწვეული იყო ასაფეთქებელი იარაღის გამოყენებით ფართო არეალის ეფექტით, მათ შორის მძიმე არტილერიიდან დაბომბვა, მრავალჯერადი სარაკეტო სისტემები, რაკეტები და საჰაერო დარტყმები", - ვკითხულობთ განცხადებაში.

მათივე ცნობით, დაფიქსირებული მშვიდობიანი მოსახლეობის დაღუპვის შემთხვევების უმეტესობა მოხდა უკრაინის მთავრობის მიერ კონტროლირებად ტერიტორიებზე.

"ეს ეხება, მაგალითად, მარიუპოლის (დონეცკის ოლქი), იზიუმს (ხარკოვის ოლქი), ლისიჩანსკის, პოპასნასა და სევეროდონეცკის (ლუგანსკის ოლქი) დასახლებებს, სადაც, გავრცელებული ინფორმაციით, იყო მშვიდობიანი მოსახლეობის დაღუპვის ან დაშავების უამრავი შემთხვევა",- აცხადებენ ორგანიზაციაში.

ამასთან, როგორც გაერო-ში აცხადებენ, დაფიქსირებული სამოქალაქო მსხვერპლის უმეტესობა გამოწვეული იყო ასაფეთქებელი იარაღის გამოყენებით,  მათ შორის მძიმე არტილერიისა და მრავალჯერადი სარაკეტო სისტემების დაბომბვით, ასევე სარაკეტო და საჰაერო დარტყმებით.

ავტორი: ექსპრესნიუსი,

სოციალური ქსელები

მოსკოვში გამარჯვების დღის აღლუმი ისტორიაში ერთ-ერთი ყველაზე მოკლე აღლუმი იყო

კობახიძემ ევროკავშირის ელჩს ტრაგიკული პიროვნება უწოდა, ჰერჩინსკიმ ლანძღვას უპასუხა

ჰერჩინსკი - გრძელდება ანტი-ევროპული რიტორიკა, რომელიც კიდევ უფრო მეტად აზიანებს წლობით ნაშენებ მეგობრობას

კობახიძე ოპოზიციაზე - 10 კაცშიც ვერ ახერხებენ, ეს ადამიანები ერთიანობის შენარჩუნებას