ბრიტანეთის მთავრობამ უკრაინისთვის ესკადრილიის გადაცემის გეგმები დაადასტურა, რომლის მიხედვითაც მიაწვდის 14 ძირითად საბრძოლო ტანკს Challenger 2-სა და 30 თვითმავალ საარტილერიო დანადგარს 155 მმ AS90 კალიბრით. 

როგორც მთავრობის განცხადებაშია აღნიშნული, გაერთიანებული სამეფოს თავდაცვისა და უსაფრთხოების ოფიციალური პირები თვლიან, რომ ღიაა ფანჯარა, რომელშიც რუსეთი უკან იხევს მიწოდების პრობლემებისა და მორალის დაცემის გამო, ამიტომაც, ბრიტანეთის პრემიერ-მინისტრი მოუწოდებს მოკავშირეებს, მაქსიმალურად სწრაფად გამოიყენონ 2023 წლისთვის დაგეგმილი მხარდაჭერა.

"Challenger 2-ის უკრაინაში გაგზავნა არის ბრიტანეთის მხარდაჭერის ტაქტიკის ცვლილების დასაწყისი. 14 ტანკისგან შემდგარი ესკადრილია ქვეყანაში გაემგზავრება უახლოეს კვირებში. მათ მოჰყვება დაახლოებით 30 AS90 - დიდი თვითმავალი. იარაღს, რომლითაც იმუშავებს ხუთი მსროლელი“, - ნათქვამია განცხადებაში.

თავდაცვის მდივანი ამ დახმარების შესახებ დამატებით დეტალებს თემთა პალატაში ორშაბათს გამოაქვეყნებს.

უახლოეს დღეებში, დიდი ბრიტანეთი ასევე დაიწყებს უკრაინის შეიარაღებული ძალების წევრების წვრთნას ამ ტანკებისა და იარაღის გამოსაყენებლად. 

„პრემიერ მინისტრს აშკარად ესმის, რომ ხანგრძლივი და სტატიკური ომი მხოლოდ რუსეთის მიზნებს ემსახურება. სწორედ ამიტომ ის და მისი მინისტრები ისაუბრებენ ჩვენს მოკავშირეებთან მთელს მსოფლიოში უახლოეს დღეებში და კვირებში, რათა გაზარდონ ზეწოლა პუტინზე და უზრუნველყონ უკეთესი მომავალი უკრაინისთვის“, - განაცხადა დაუნინგ სტრიტის წარმომადგენელმა.

ავტორი: ექსპრესნიუსი,

სოციალური ქსელები

პაპუაშვილი - ვერ მივიღებთ ჩვენი ისტორიის გადაწერისკენ მიმართულ კამპანიებს, ეს დევს მოწოდებებში, რომ 9 მაისი აღინიშნოს 8 მაისს, 9 მაისი „რუსულია“, რვა - „ევროპული“, ეს არჩევანი ყალბია

Amnesty International -მხოლოდ ეს ხუთი დაპატიმრება ნაკლებად ცვლის დაუსჯელობის უფრო ფართო სურათს საქართველოში

საფრანგეთში ჰანტავირუსით ინფიცირებულ პირებთან კონტაქტში მყოფი რვა ადამიანი კარანტინში მოათავსეს

ზელენსკის განკარგულებით, უკრაინის დარტყმის გეგმიდან მხოლოდ წითელ მოედანს გამორიცხავს