2023-01-12 18:19:03, 1734 ნახვა
ომი უკრაინაში
უკრაინის მიერ შემოთავაზებული „მშვიდობის სამიტი“ სრულმასშტაბიანი ომის დაწყების წლისთავზე დაიგეგმა
"მშვიდობის სამიტი" 24 თებერვალს ნიუ-იორკში, გაეროს შტაბ-ბინაში გაიმართება. ამის შესახებ თურქეთში უკრაინის ელჩმა ვასილ ბოდნარამ თურქულ სააგენტო Anadolu-სთან ინტერვიუში განაცხადა.
მისივე თქმით, მშვიდობის იმედი არსებობს, მაგრამ ეს შესაძლებელია მხოლოდ იმ შემთხვევაში, თუ რუსული ჯარები მთლიანად გავლენ უკრაინის ტერიტორიებიდან და მსოფლიო სამხედრო მოქმედებების შეწყვეტას მოითხოვს.
მანამდე უკრაინის პრეზიდენტმა ვოლოდიმირ ზელენსკიმ დასავლეთს 10 პუნქტიანი „მშვიდობის ფორმულა“ შესთავაზა. მათ შორისაა უკრაინის ტერიტორიული მთლიანობის აღდგენა, მისი უსაფრთხოების გარანტიები და რუსეთის დასჯა სამხედრო შემოჭრისთვის.
ავტორი: ექსპრესნიუსი,
epn.ge (@expressnews.ge)
