12 დეკემბერს, 17:00 საათზე, თბილისის საკრებულოში „60+ კლუბის“ წევრების ნამუშევრების გამოფენა და მუსიკალური საღამო გაიმართება. აღნიშნულის შესახებ ინფორმაციას თბილისის მერია ავრცელებს.

უწყების ცნობით, კლუბის სამთვიანი მუშაობის შემაჯამებელ საღამოზე ის ნამუშევრები და მუსიკალური ნომრები იქნება წარმოდგენილი, რომლებიც კლუბის წევრებმა მხატვარ ქეთი მატაბელის, ასევე, მუსიკოს და მსახიობ ია შუღლიაშვილის ხელმძღვანელობით შექმნეს და შეისწავლეს.

„60+ კლუბი ჯანსაღი და აქტიური ცხოვრებისთვის“ თბილისის მუნიციპალური სერვისია და განკუთვნილია 60 წლის და მეტი ასაკის ადამიანებისთვის, რომელთაც სურთ, გაიუმჯობესონ ცხოვრების ხარისხი, შეინარჩუნონ ჯანმრთელობა, იყვნენ საზოგადოების აქტიური წევრები. მათ საშუალება ეძლევათ, შეიძინონ ახალი უნარები, ერთმანეთს გაუზიარონ გამოცდილება, თავადვე დაგეგმონ და განახორციელონ კლუბის ღონისძიებები, გაიცნონ ახალი ადამიანები. 

„კლუბის წევრებისთვის სპეციალურად შემუშავებული აქტივობები: გამაჯანსაღებელი ვარჯიშები, ხატვისა და სიმღერის გაკვეთილები ტარდება. მსგავსი ტიპის კლუბები  მსოფლიოს სხვადასხვა ქვეყანაში მრავალი წელია არსებობს. 

სერვისი - „60+ კლუბი“, გაერო-ს მოსახლეობის ფონდთან (UNFPA) პარტნიორობით, დედაქალაქის მერიისა და თბილისის მულტიფუნქციური ბიბლიოთეკების მიერ ხორციელდება“,- აღნიშნულია ინფორმაციაში.

ავტორი: NS (სტატია დაფინანსებულია),

სოციალური ქსელები

ევროკავშირმა ეუთოს თავმჯდომარეობაზე საქართველოს კანდიდატურის წინააღმდეგ გამოვიდა

თიბისი მომხმარებლებს საქართველოს დიდი ქალაქების საზოგადოებრივ ტრანსპორტში 50%-იან ქეშბექს სთავაზობს

მცხეთაში იარაღის სამალავის საქმეზე დაკავებულს საპროცესო გარიგება გაუფორმეს

აქციების დროს დაკავებულების ოჯახის წევრები „საზოგადოებრივ მაუწყებელთან“ აქციას მართავენ