რუსეთის პატრიარქი კირილი სრულიად საქართველოს კათოლიკოს-პატრიარქს, ილია მეორეს დაბადების დღეს ულოცავს. მილოცვა რუსეთის პატრიარქის ოფიციალურ გვერდზე გამოქვეყნდა.

"თქვენო უწმინდესობავ და უნეტარესო, ძვირფასო ძმაო და უფლის შემწირველო! გულითადად გილოცავთ მნიშვნელოვან თარიღს - თქვენს 90-ე დაბადების დღეს.

თქვენი, უწმიდესისა და უნეტარესის ცხოვრების გზა, განუყრელად არის დაკავშირებული ქრისტესთან, რომელიც გიყვართ ყრმობიდანვე. ეკლესიის წინააღმდეგ დევნის მკაცრ დროს, თქვენ აირჩიეთ ღვთის მსახურების ეკლიანი გზა. წმინდა სერგის დიდ კელიაში სულიერი განათლების მიღების შემდეგ, ივერიის ეკლესიის საკეთილდღეოდ დაიწყო გულმოდგინებით მუშაობა, რითაც გაზარდეთ უფლის მიერ მიცემული ძღვენი. როგორც კი დაინახეს თქვენი პატივმოყვარეობა და მონდომება ქრისტეს დიდებისადმი, თანამეუფეებმა აგირჩიეს სრულიად საქართველოს კათოლიკოს-პატრიარქად.

მრავალი წლის განმავლობაში, გონივრულად მართავდით თქვენთვის მინდობილ მემკვიდრეობას, აჩვენეთ სამწყსოს ხატი ღირსი პირველი იერარქისა, მოწოდებული იყო უმწიკვლო, როგორც ღვთის მმართველი, მოსიყვარულე, კეთილი, სამართლიანი და ღვთისმოსავი. თქვენი მდიდარი გამოცდილება, როგორც ამქვეყნიური, ისე სულიერი, რომელსაც გულუხვად უზიარებთ ყველას, ვინც თქვენთან მოდის, არის საქართველოს მართლმადიდებელი ეკლესიის ძვირფასი ქონება.

მხურვალე ლოცვით ამ დღეს თქვენი უწმიდესობისა და უნეტარესობისთვის, გისურვებთ ღვთის დიდებულ წყალობას, მშვიდობას, სიხარულს და ძლიერებას მრავალი წლის განმავლობაში", - ნათქვამია რუსეთის პატრიარქის მილოცვაში.

სრულიად საქართველოს კათოლიკოს-პატრიარქს, უწმინდესსა და უნეტარეს ილია მეორეს დღეს, 4 იანვარს 90 წელი შეუსრულდა.

ავტორი: ექსპრესნიუსი,

სოციალური ქსელები

ევროკავშირმა ეუთოს თავმჯდომარეობაზე საქართველოს კანდიდატურის წინააღმდეგ გამოვიდა

თიბისი მომხმარებლებს საქართველოს დიდი ქალაქების საზოგადოებრივ ტრანსპორტში 50%-იან ქეშბექს სთავაზობს

მცხეთაში იარაღის სამალავის საქმეზე დაკავებულს საპროცესო გარიგება გაუფორმეს

აქციების დროს დაკავებულების ოჯახის წევრები „საზოგადოებრივ მაუწყებელთან“ აქციას მართავენ