თუ განაჩენი მიხეილ სააკაშვილის სასარგებლოდ გამოვა, მაგრამ ეს იქნება დროში უსაშველოდ გაწელილი, ესეც შეიძლება იყოს საბედისწერო,- ამის შესახებ "ერთიანი ნაციონალური მოძრაობის" თავმჯდომარემ, ნიკა მელიამ სასამართლო პროცესის დატოვების შემდეგ განაცხადა. 

მელიამ აღნიშნა, რომ ახლა ძალზე მნიშვნელოვანია, რომ ექსპრეზიდენტის სასამართლო პროცესი სწრაფად დასრულდეს.

"„ქართული ოცნების" დამოკიდებულება მიხეილ სააკაშვილთან და ზოგადად, ადამიანის სიცოცხლესთან, განსაკუთრებით თუ ეს ოპონენტს ეხება, ცნობილია. ყველა ის ადამიანი და მოქალაქე, ვინც თავს ობიექტურად მიიჩნევს, სჯეროდა იმ რეალობის, რა რეალობაშიც, სამწუხაროდ, აღმოჩნდა მიხეილ სააკაშვილი. ახლა ძალზე მნიშვნელოვანი არის, რომ ძალზე სწრაფად დასრულდეს  ეს სასამართლო პროცესი, ცალსახად ჩანს განზრახვა ხელოვნურად პროცესების დროში გაწელვისა. ასეთ შემთხვევაში, თუ დამაკმაყოფილებელი განაჩენი გამოვა მიხეილ სააკაშვილის სასარგებლოდ, მაგრამ ეს იქნება დროში უსაშველოდ გაწელილი, ესეც შეიძლება უკვე იყოს საბედისწერო. ამიტომაც, როგორც აბსოლუტურად უსამართლო გადაწყვეტილება არის საზიანო, ასევე დროში გაწელილი სწორი გადაწყვეტილებაც", - განაცხადა ნიკა მელიამ.

შეგახსენებთ, თბილისის საქალაქო სასამართლოში მესამე პრეზიდენტის გათავისუფლების ან სასჯელის გადავადების შუამდგომლობის განხილვა მიმდინარეობს. პროცესს კლინიკა "ვივამედიდან" მიხეილ სააკაშვილი დისტანციურ რეჟიმში ესწრებოდა, თუმცა ადვოკატის თქმით, სხდომის მიმდინარეობისას მან თავი შეუძლოდ იგრძნო და ჩართვაზე უარი განაცხადა.

ექსპრეზიდენტის გათავისუფლების ან სასჯელის გადავადების მოთხოვნით, მისმა ადვოკატმა, შალვა ხაჭაპურიძემ სასამართლოს შუამდგომლობით 1-ელ დეკემბერს მიმართა.

აღნიშნულს წინ უძღოდა წამების მსხვერპლთა ფსიქოლოგიური რეაბილიტაციის ცენტრ "ემპათიას" დასკვნა, რომლის მიხედვითაც მიხეილ სააკაშვილს 20-ზე მეტი დიაგნოზი თუ სიმპტომო-კომპლექსი აღენიშნება, აქედან წამყვანია, დაახლოებით, 10 დიაგნოზი, რაც შეუთავსებელს ხდის პატიმრობას.

ავტორი: ექსპრესნიუსი,

სოციალური ქსელები

ევროკავშირის ახალი ინიციატივები აზერბაიჯანისთვის და სომხეთისთვის, საქართველო ბორტს მიღმაა

უილსონი - დიქტატორ ხამენეის დაკრძალვაზე ამერიკის ყველაზე უარესი მოძულეები იკრიბებიან, ოცნების ყალბი პრეზიდენტი ყაველაშვილი ცერემონიალზე დასწრებას გეგმავს

კიევზე რუსული ავიაციის მიერ განხორციელებული იერიშის შედეგად დაღუპულთა რიცხვი 30-მდე გაიზარდა, დაიჭრა 90

თინა ბოკუჩავა – მქონდა ძალიან სერიოზული სინდისის ქენჯნა, რომ ხაბეიშვილის შეცვლის მიზეზად დასახელდა ჯანმრთელობის მდგომარეობა, რაც არ იყო რეალური