საქართველოს პარლამენტის თავმჯდომარემ, შალვა პაპუაშვილმა ფრაქცია "ნაციონალური მოძრაობის" მოშიმშილე დეპუტატები მოინახულა და მოუწოდა, რომ შეწყვიტონ შიმშილობა, რადგან "ასეთი საქციელი ახალისებს მიხეილ სააკაშვილს, რომ უფრო მეტად არ ითანამშრომლოს სასჯელ აღსრულების ადმინისტრაციასთან". 

"ვფიქრობ, რომ შიმშილობა არ არის ფორმა, რომლითაც უნდა ხდებოდეს სახელმწიფოს მიმართ გადაწყვეტილების  იძულება, ამიტომ მოვუწოდე მათ, რომ შეწყვიტონ შიმშილობა. საქართველო არის სამართლებრივი სახელმწიფო და მოწოდება, იძულება, შანტაჟი, მითუმეტეს საკუთარი ჯანმრთელობის ფასად, არის მიუღებელი და პირიქით, ასეთი საქციელი ახალისებს მიხეილ სააკაშვილს, რომ მან უფრო მეტად არ ითანამშრომლოს სასჯელ აღსრულების ადმინისტრაციასთან",- განაცხადა პაპუაშვილმა. 

პაპუაშვილი მიიჩნევს, რომ საქართველოს მესამე პრეზიდენტ ცდილობს დაიმძიმოს ჯანმრთელობის მდგომარეობა, რათა სასამართლომ სასჯელი გადაუვადოს. 

"წინაპირობა აქვს სასჯელი გადავადებას, სწორედ ეს არის მთელი ილუზიის შესაძლებლობა, რომ მან უნდა დაიმძიმოს თავი, არ არის საკმარისი, კიდე უნდა დაიმძიმოს და იქნებ, მივიდეს ისეთ ზღვრამდე, რომ შეიძლება, სასამართლომ ჩათვალოს, რომ მისი მდგომარეობა არის მძიმე. აი, ეს არის პრობლემა. სააკაშვილის მეგობრები, სინამდვილეში არიან მისი მტრები, რადგან ცდილობენ დაამძიმონ მისი მდგომარეობა",- ამბობს პაპუაშვილი. 

შეგახსენებთ, რომ გუშინ, 15 დეკემბერს, "ერთიანი ნაციონალური მოძრაობის" დეპუტატებმა - დავით კირკიტაძემ, ანა წითლიძემ და აბდულ ისმაილოვმა, საქართველოს მესამე პრეზიდენტის საზღვარგარეთ სამკურნალოდ გადაყვანის მოთხოვნით, შიმშილობა დაიწყეს. 

როგორც დავით კირკიტაძემ პარლამენტში გამართულ ბრიფინგზე განაცხადა,  ამ პოლიტიკურმა აქტმა ფრაქციაში   აზრთა სხვადასხვაობა გამოიწვია, თუმცა სამივე დეპუტატი დარწმუნებულია, რომ პროტესტი პარლამენტსაც გასცდება.

დღეს, პარლამენტში მოშიმშილეებს „ერთიანი ნაციონალური მოძრაობის“ კიდევ ერთი დეპუტატი, თემურ ჯანაშია შეუერთდა.

ავტორი: ექსპრესნიუსი,

სოციალური ქსელები

პროკურატურა - მსჯავრდებულ გიორგი დავითაძის მიმართ შესაძლო სექსუალური ძალადობის ფაქტზე მიმდინარე გამოძიება დასრულდა და დადგინდა, რომ მის მიმართ რაიმე სახის ძალადობას და დანაშაულებრივ ქმედებას ადგილი არ ჰქონია

უკრაინის შეიარაღებულმა ძალებმა დონის როსტოვში ნავთობტერმინალზე თავდასხმა განახორციელეს - 6 ადამიანი დაიჭრა

ზელენსკი: აშშ-მ მაიამის შეხვედრა პუტინთან შეთანხმებების დასაფარად გამოიყენა

ტრამპმა პუტინთან შეთანხმებას მიაღწია მას შემდეგ, რაც ზელენსკიმ მისი მოთხოვნები უგულებელყო - Axios