როგორც ყოფილ პრეზიდენტს ეპყრობიან ციხეში, საერთო ევროპულ ღირებულებებთან არაფერი აქვს და უფრო იმას ჰგავს, როგორც პუტინი იქცევა, როგორც ის აწამებს და წამლავს ხალხს, - ამის შესახებ ევროპარლამენტარმა რასა იუკნევიჩიენემ მიხეილ სააკაშვილზე საუბრისას განაცხადა. 

ევროპარლამენტარმა ასევე აღნიშნა, რომ თუ ექსპრეზიდენტის სიტუაცია გაუარესდება, ეს იქნება საქართველოს ხელისუფლების და პრეზიდენტის სინდისზე. 

"როგორც ყოფილ პრეზიდენტს ეპყრობიან ციხეში, საერთო ევროპულ ღირებულებებთან არაფერი აქვს და უფრო იმას ჰგავს, როგორც პუტინი იქცევა, როგორც ის აწამებს და წამლავს ხალხს. ასევე ვითხოვთ, რომ საზღვარგარეთ უმკურნალონ, რაც ამ პრობლემის გადაჭრის ერთადერთი გზაა. წინააღმდეგ შემთხვევაში, თუ სიტუაცია გაუარესდება, ეს იქნება მმართველი პარტიის სინდისზე და პრეზიდენტის სინდისზეც. ასე რომ, იმედს თქვენს პრეზიდენტზე ვამყარებ",- განაცხადა ევროპარლამენტარმა. 

შეგახსენებთ, რომ გუშინ, 14 დეკემბერს სპეციალურმა პენიტენციურმა სამსახურმა მიხეილ სააკაშვილის დამონტაჟებული კადრები გაავრცელა, რომელიც "ვივამედში", 9 აგვისტოდან 12 დეკემბრის ჩათვლით სხვადასხვა პერიოდს ასახავს. უწყებამ კადრების გასაჯაროება „მაღალი საზოგადოებრივი ინტერესით“ ახსნა.

აღნიშნულს წინ უძღოდა მესამე პრეზიდენტის სასამართლო პროცესი, რომელზეც პენიტენციურმა სამსახურმა "ტექნიკური მოწყობილობების არარსებობის" გამო, "ვივამედიდან" მიხეილ სააკაშვილის ონლაინ დასწრება არ უზრუნველყო. საპასუხოდ, ექსპრეზიდენტმა შიმშილობა გამოაცხადა, თუმცა მოგვიანებით გაავრცელა განცხადება, რომ ევროპარლამენტარების თხოვნით, შიმშილობას წყვეტდა.

ავტორი: ექსპრესნიუსი,

სოციალური ქსელები

პროკურატურა - მსჯავრდებულ გიორგი დავითაძის მიმართ შესაძლო სექსუალური ძალადობის ფაქტზე მიმდინარე გამოძიება დასრულდა და დადგინდა, რომ მის მიმართ რაიმე სახის ძალადობას და დანაშაულებრივ ქმედებას ადგილი არ ჰქონია

უკრაინის შეიარაღებულმა ძალებმა დონის როსტოვში ნავთობტერმინალზე თავდასხმა განახორციელეს - 6 ადამიანი დაიჭრა

ზელენსკი: აშშ-მ მაიამის შეხვედრა პუტინთან შეთანხმებების დასაფარად გამოიყენა

ტრამპმა პუტინთან შეთანხმებას მიაღწია მას შემდეგ, რაც ზელენსკიმ მისი მოთხოვნები უგულებელყო - Axios