თამარ ტალიაშვილმა ევროპის საბჭოს მინისტრთა კომიტეტის სხდომაზე ეუთო-ს გენერალურ მდივანს ჰელგა შმიდს სიტყვით მიმართა.

სტრასბურგში ევროპის საბჭოს მინისტრთა კომიტეტის სხდომაზე საქართველოს ელჩმა, მუდმივმა წარმომადგენელმა თამარ ტალიაშვილმა ეუთო-ს გენერალურ მდივანს ჰელგა შმიდს სიტყვით მიმართა

თამარ ტალიაშვილი მიესალმა ეუთო-ს გენერალური მდივნის მიერ მიმდინარე წელს გადადგმულ აქტიურ ნაბიჯებს. 

მან თავის გამოსვლაში ისაუბრა საქართველოს ოკუპირებულ რეგიონებში არსებულ ვითარებაზე. მისი თქმით, ოკუპირებულ რეგიონებში ადამიანის უფლებების უმძიმეს დარღვევებზე რუსეთის პასუხისმგებლობას ადასტურებს ევროპის საბჭოს ადამიანის უფლებების საერთაშორისო სასამართლოს მიერ საქართველოს სასარგებლოდ გამოტანილი გადაწყვეტილებები.

თამარ ტალიაშვილმა ხაზი გაუსვა საქართველოს ხელისუფლების მიერ დეოკუპაციის მიღწევის მიზნით წარმოებულ სამშვიდობო პოლიტიკას. 

საქართველოს ელჩმა ისაუბრა ჟენევის საერთაშორისო დისკუსიების ფორმატის განსაკუთრებულ როლზე, რათა რუსეთმა შეასრულოს 12 აგვისტოს ცეცხლის შეწყვეტის შეთანხმებით ნაკისრი ვალდებულებები. მან გამოსვლაში ასევე ხაზი გაუსვა ინციდენტების პრევენციისა და მათზე რეაგირების მექანიზმების სრულყოფილი ფუნქციონირების აუცილებლობას.

თამარ ტალიაშვილმა ევროპაში არსებული უსაფრთხოების კრიზისის ფონზე ევროპის საბჭოს, ეუთო-სა და საერთაშორისო ორგანიზაციების გაძლიერების მნიშვნელობას გაუსვა ხაზი.

ავტორი: NS (სტატია დაფინანსებულია),

სოციალური ქსელები

პროკურატურა - მსჯავრდებულ გიორგი დავითაძის მიმართ შესაძლო სექსუალური ძალადობის ფაქტზე მიმდინარე გამოძიება დასრულდა და დადგინდა, რომ მის მიმართ რაიმე სახის ძალადობას და დანაშაულებრივ ქმედებას ადგილი არ ჰქონია

უკრაინის შეიარაღებულმა ძალებმა დონის როსტოვში ნავთობტერმინალზე თავდასხმა განახორციელეს - 6 ადამიანი დაიჭრა

ზელენსკი: აშშ-მ მაიამის შეხვედრა პუტინთან შეთანხმებების დასაფარად გამოიყენა

ტრამპმა პუტინთან შეთანხმებას მიაღწია მას შემდეგ, რაც ზელენსკიმ მისი მოთხოვნები უგულებელყო - Axios