მე ახლაც მგონია, რომ ამ დოკუმენტის ვენეციის კომისიაში გაგზავნა საერთოდ არ იყო საჭირო, თუმცა თხოვნა მხედველობაში მივიღეთ, - ამის შესახებ ირაკლი კობახიძემ „დეოლიგარქიზაციის შესახებ“ კანონპროექტზე საუბრისას განაცხადა. 

"ქართული ოცნების" თავმჯდომარის თქმით, აღნიშნული გადაწყვეტილება ხელისუფლებამ ევროპარლამენტარების თხოვნის გათვალისწინებით მიიღო. 

"საბოლოო ჯამში ჩვენ მივიღეთ გადაწყვეტილება ვენეციის კომისიაში ამ კანონპროექტის გაგზავნის თაობაზე, ვიდრე მიიღება საბოლოო სახით, მესამე მოსმენით. ამის მიზეზი იყო თხოვნა, რომელიც მოვისმინეთ საჯაროდ ბატონი ოლივერ ვარჰეის მხრიდან, მისი რეკომენდაცია იყო ამ დოკუმენტის გაგზავნა. ასევე, გვქონდა შეხვედრა ახლად დანიშნულ ევროკავშირის ელჩთან და მისგანაც მოვისმინეთ ასეთი თხოვნა.  მე ახლაც მგონია, რომ ამ დოკუმენტის ვენეციის კომისიაში გაგზავნა საერთოდ არ იყო საჭირო, თუმცა რადგან იყო ასეთი თხოვნები, ჩვენ ეს თხოვნა მხედველობაში მივიღეთ და შესაბამისად კანონპროექტი გაიგზავნა ვენეციის კომისიაში",- განაცხადა კობახიძემ. 

ცნობისთვის, გუშინ, 28 ნოემბერს „ქართული ოცნების“ აღმასრულებელმა მდივანმა, მამუკა მდინარაძემ განაცხადა, რომ მმართველმა პარტიამ მიიღო გადაწყვეტილება „დეოლიგარქიზაციის შესახებ“ კანონპროექტის ვენეციის კომისიაში გადაგზავნასთან დაკავშირებით. 

შეგახსენებთ, რომ 16 ნოემბერს, პარლამენტმა „დეოლიგარქიზაციის შესახებ“ კანონპროექტი მეორე მოსმენით მიიღო. კანონპროექტს მხარი 76-მა დეპუტატმა დაუჭრა, ექვსი კი წინააღმდეგი იყო.

ავტორი: ექსპრესნიუსი,

სოციალური ქსელები

კობახიძე - რაციონალური და პრაგმატული, სწორი, უალტერნატივო გადაწყვეტილება მივიღეთ თავის დროზე, როდესაც არ შევუერთდით სანქციებს რუსეთის მიმართ

კობახიძე - ორმაგი სტანდარტებით გამოირჩევა ევროპული ბიუროკრატია

კობახიძე გამოუვალ მდგომარეობაზე - ზედიზედ მეორედ მიიწვიეს ისეთი შემსრულებელი, რომელიც გამოირჩევა ჩვენი მხარდამჭერების მიმართ შეურაცხმყოფელი განცხადებებით

კობახიძე - ძალადობრივი აქციები, რაც ვიხილეთ 2024 წელს, მანამდე რამდენიმე წლის განმავლობაში, იყო ინსტრუმენტი იმისა, რომ დაებრუნებინათ ხელისუფლებაში სისხლიანი პოლიტიკური ძალა