რუსი ოკუპანტების მიერ ვიშგოროდზე მიტანილი იერიშის შედეგად დაღუპულთა რიცხვი 7-მდე გაიზარდა, დაშავებულია 42 ადამიანი. აღნიშნულ ინფორმაციას უკრაინული მედია კიევის ოლქის ეროვნული პოლიციის უფროსზე, ანდრეი ნებიტოვზე დაყრდნობით ავრცელებს.

ნებიტოვის განცხადებით, დაშავებულთა შორის 6 ბავშვია - ყველაზე პატარა კი, 5 წლის გოგონაა.

"დღეს კიდევ ერთი ქალი გარდაიცვალა.  ასე რომ, ამ საშინელი დანაშაულისგან 7 გარდაცვლილი გვყავს. დაშავებულთაგან 6 ბავშვია. ყველაზე პატარა გოგონა კი, 5 წლისაა", - განაცხადა ანდრეი ნებიტოვმა.

მისივე თქმით, ვიშგოროდზე იერიში „X-101“-ის ტიპის რაკეტით განხორციელდა, მაღალსართულიან შენობასთან რუსული რაკეტის დაცემის შედეგად კი, კიდევ  4 შენობა, საბავშვო ბაღი და სკოლა დაზიანდა.

ნებიტოვმა ხაზგასმით აღნიშნა, რომ ახლოს არც ერთი სამხედრო ობიექტი არ იყო.

ავტორი: ექსპრესნიუსი,

სოციალური ქსელები

ზაპოროჟიეში დამპყრობლებმა სავაჭრო ცენტრებსა და მაღალსართულიან შენობებს შეუტიეს, 5 ადამიანი დაშავდა

მოდელი პრესლი გერბერი, სუპერმოდელ სინდი კროუფორდის ვაჟი 27 წლის ასაკში გარდაიცვალა - Rolling Stone

სახელმწიფო დუმის არჩევნები: წინასწარი შედეგები და პარტიის ლიდერების პირველადი რეაქციები

რამზან კადიროვმა ჩეჩნეთის საპრეზიდენტო არჩევნებში ხმების 97.35% მიიღო